Ձու, լավաշ, չամչով փլավ, կուլիչ. հարյուրավոր անապահով ընտանիքներ «Արաքս թռչնաֆաբրիկա»-ի կողմից աջակցություն են ստացել. Լուսանկար

«Արաքս թռչնաֆաբրիկա» ՓԲԸ-ն  «Տասից Տաս ռեստորանային կոմպլեքս»-ի հետ համատեղ Զատկի տոնին ընդառաջ սննդի փաթեթներ է ուղարկել անապահով ընտանիքներին:

Թե ինչպես են ընտրվել անապահով ընտանիքների ցանկն ու ինչ օգնություն է տրամադրվել, ներկայացնում ենք ընկերության գլխավոր տնօրեն Մուշեղ Հակոբյանի հետ հարցազրույցում:

-Պրն Հակոբյան «Արաքսթռչնաֆաբրիկա» ՓԲԸ-ն մշապես բարեգործական ծրագրերով է ներկայանում: Ձեր ծրագրերը բոլոր  տոներին ընդառաջ մշտապես իրականացնո՞ւմ եք թե նաև երկրում ստեղծված արտակարգ դրությունով էր այս անգամ  պայմանավորված:

-Ընկերությունը  երկար տարիներ բարեգործական ծրագրեր է իրականացնում տարբեր առիթներով: Այժմ, երբ երկրում  կորոնավիրուսի հետ կապված նման իրավիճակ է ստեղծվել, և մարդկանց մեծ մասը աշխատելու հնարավորություն չունի, մեր ընկերությունը չէր կարող շրջանցել այս խնդիրը, և այո, այս անգամ նաև այդ փաստը հաշվի առնելով ենք աջակցել անապահով ընտանիքներին:

-Ինչպե՞ս  եք ընտրում, անապահով ընտանիքների ցանկը:

-Բոլոր ծրագրերից առաջ մենք նախապես համայնքի կամ տարբեր կազմակերպությունների ղեկավարությունից տանում ենք կարիքավոր ընտանիքների համապատասխան ցանկ, որից հետո ընտրում ենք, թե որ ժամանակահատվածում, որ ընտանիքներին աջակցություն ցուցաբերենք:

-Այս անգամ ովքե՞ր ստացան աջակցություն:

 -Այս անգամ աջակցել ենք «Իմքայլը» հիմնադրամին, որը ներկայացրել էրԱպարանում 90 անապահով ընտանիքների ցանկ, «Բարի Մամա» -ՀԿ -ին, Արագածոտնի մարզում միայնակ կենսաթոշակառուների և հաշմանդամների ընտանիքներին, Դավթաշեն համայնքի Երկրապահների միությանը:

-Ի՞նչ  տեսքով է եղել աջակցությունը:

-Զատկի փաթեթներ ենք տրամադրվել (ձու, լավաշ, չամչովփլավ, կուլիչ):

Առիթից օգտվելով շնորհավորում ենք մեր հայրենակիցներին Սուրբ Զատկի տոնի առթիվ: Ուրախ Զատիկ բոլորին:

***

Չնայայած երկրում ստեղծված դժվարին իրավիճակին, Զատկի տոնը հարյուրավոր անապահով ընտանիքներում պատշաճ կնշվի: «Իքս Գրուպ» ընկերության նախաձեռնությամբ մշտապես կազմակերպվող բարեգործական ծրագրերը չեն շրջանցել նաև Զատկի տոնը, որի շրջանակներում աջակցություն են ստացել բազմաթիվ անապահով ընտանիքներ: Տոնին ընդառաջ ընկերության կազմի մեջ մտնող «Արաքս թռչնաֆաբրիկա» ՓԲԸ-ն «Տասից Տաս ռեստորանային կոմպլեքս»-ի հետ համատեղ իրականացրել է հերթական բարեգործական ակցիան: Զատկի փաթեթներ են տրամադրվել (ձու, լավաշ, չամչով փլավ, կուլիչ) «Բարի Մամա» ՀԿ-ին, Արագածոտնի մարզում միայնակ կենսաթոշակառուների և հաշմանդամների ընտանիքներին, «Իմ քայլը» հիմնադրամին, որը աջակցելու է Ապարանում 90 անապահով ընտանիքների: Ընկերությունը պարբերաբար աջակցում է նաև Դավթաշեն համայնքի Երկրապահների միությանը: «Արաքս թռչնաֆաբրիկա» ՓԲԸ-ի գլխավոր տնօրեն Մուշեղ Հակոբյանի խոսքով՝ բարեգործական ծրագրեր իրականացնելը երկար տարիների պատմություն ունի. «Մեր ընկերությունը առաջին անգամ չէ նման ծրագրերով ներկայանում: Անապահով ընտանիքները մշտապես մեր ուշադրության կենտրոնում են թե՛ տոնի, թե՛ այլ առիթներով: Այդ բարեգործությունները, իհարկե, չեն արվում պատահականության սկզբունքով: Մենք համայնքների ղեկավարությունից ստանում ենք անապահով ընտանիքների համապատասխան ցանկ, որից հետո ընտրում ենք, թե որ ժամանակահատվածում, որ ընտանիքներին է պետք աջակցություն ցուցաբերել: Առիթից օգտվելով շնորհավորում եմ բոլորին Սուրբ Զատկի տոնի առթիվ»:

YerevakLur.am