Դատարանը 3 ամսով երկարաձգեց Բագրատ սրբազանի տնային կալանքը Մանդատազրկման հարցը՝ արդեն 4-րդ անգամ դատարանում Ես քաղհալածյալ եմ. Խաչիկ Գալստյանը՝ դատարանում
Փաշինյանը պատերազմ է հայտարարել լրագրողներին. ՀԺՄ հայտարարություն ՌԴ նախագահը դրական է գնահատել եռակողմ հանդիպումը Պուտինի, Սի Ցզինպինի և Թրամփի միջև հանդիպումից հետո հռչակագիր է ընդունվել Փաշինյանն առաջին հերթին պետք է ազատ արձակի քաղբանտարկյալներին, պատանդներին, միայն դրանից հետո առաջարկներ անի ընդդիմությանը Ռուսաստանում Փաշինյանին կտեղեկացնեն, թե Հայաստանն ինչ քաղաքականություն պետք է վարի + 250 մլն եվրո․ Փաշինյանը Հայաստանը գցում է նոր վարկի տակ Այնքան են լկտիացել, որ փորձում են շրջանցել անգամ դատարանի որոշումները. Մանուկ Սուքիասյան Պատմական հանդիպում. Մեկնարկել են Թրամփի, Սիի և Պուտինի միջև եռակողմ բանակցությունները Փաշինյանի և Պապիկյանի կառավարած բանակում էլի զինծառայող է մահացել Պուտինն ու Թրամփը հանդիպել են Պատերազմ Արցախում
Կինգ Կոնգը, պինգ-պոնգը ու... «Սահմանադրությունը» Փաշինյանը թող բերի 5 նախադեպ, երբ ինքը չի «քցել», հետո նոր առաջարկություններ անի․ Քրիստինե Վարդանյան Ի՞նչն է հունից հանել Փաշինյանին․ «Կարճ ասած» Ո՞վ է մեզ պատերազմ հայտարարելու․ Նիկոլ Փաշինյանի ականջը կանչի․ Խաչատրյան Թրամփը Չինաստան կատարած իր այցը անվանել է հիանալի Փաշինյանը պատերազմ է հայտարարել լրագրողներին. ՀԺՄ հայտարարություն «Փորձում է «շպագատ» իջնել, բայց չի կարողանալու, իսկ արդյունքում միակ տուժողը մեր ժողովուրդն է լինելու». «Փաստ» Փաշինյանը սպառված գործիչ է և հանրային ճնշում գեներացնել չի կարող. Քաղտեխնոլոգ «ԶԱՊ-ը» և «Օշականցի Գևորիկը» դատարանի դահլիճից ազատ են արձակվել Ի՞նչ են անում, երբ սերիական խաբեբան և կեղծարարն առաջարկում է իր «ազնիվ խոսքի» վրա հիմնված գործարք. Լևոն Զուրաբյան Ավելի քան 4 միլիոն բարել հում նավթ տեղափոխող երկու նավեր այրվում են Հորմուզում Դատարանը 3 ամսով երկարաձգեց Բագրատ սրբազանի տնային կալանքը ՌԴ նախագահը դրական է գնահատել եռակողմ հանդիպումը «Դու իսկապե՞ս այնքան ես կտրվել իրականությունից, որ կարծում ես՝ քո քաղաքական կենսագրության մեջ որևէ դրական բան կա, որով կարող ես երաշխավորե՞լ ինքդ՝ քեզ». Արթուր Սուքոյան Պուտինի, Սի Ցզինպինի և Թրամփի միջև հանդիպումից հետո հռչակագիր է ընդունվել Փաշինյանն առաջին հերթին պետք է ազատ արձակի քաղբանտարկյալներին, պատանդներին, միայն դրանից հետո առաջարկներ անի ընդդիմությանը Բարձր տոնն ու պիտակավորումները ընդամենը փորձ են՝ աղմուկով ծածկելու բովանդակային փակուղին և խուսափելու ուղիղ պատասխաններից. Աշոտյան Թրամփի ընկերությունները գումարներ են ստացել ադրբեջանական «լվացքատնից» Ռուսաստանում Փաշինյանին կտեղեկացնեն, թե Հայաստանն ինչ քաղաքականություն պետք է վարի Ինչքան կարևոր է ալիևյան սահմանադրությունն անցկացնելը, որ պատրաստ է «կոնի» վրա իր պաշտոնն էլ դնել «Հրապարակ»․ Մեծ «ռազբորկա» է տեղի ունեցել Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվի. «Ժողովուրդ» Ընդդիմադիր պատգամավորները ցանկանում են տեսակցել Շաքի ներխուժած ադրբեջանցի զինծառայողին, բայց թույլ չեն տալիս. «Ժողովուրդ» Մոսկվան արմատական է տրամադրված. «Հրապարակ» Բուլդոզերով ժողովրդավարություն․ «Ինձ չհեռացրիք՝ ես եմ ձեզ հեռացնելու». Փաշինյան․ «Ժողովուրդ» Ի՞նչ է թաքցվում Փաշինյանի հիստերիայի տակ․ «Կարճ ասած» Երեք տարի անց արցախյան հակամարտությունը մնում է չլուծված Ֆրանսիայի Ազգային ժողովում «Արցախ․ հանձնառություններ և հեռանկարներ» խորագրով համաժողով է կազմակերպվել + 250 մլն եվրո․ Փաշինյանը Հայաստանը գցում է նոր վարկի տակ Մի կողմ դնենք սևացած բանանը, նյարդային դրամատուրգիան, սևացած դուխիզմը։ Նայենք լայն և խորը. Վլադիմիր Մարտիրոսյան

Հենց այս փուլում գազի սակագնի նվազեցման համար Ռուսաստանին դիմելը մարադյորություն է․ Կոլերով

«Գազի սակագների նվազեցման հարցը հենց այս փուլում է բարձրացվել, քանի որ շուկայում կա ճգնաժամային իրավիճակ»,- այս մասին մեզ հետ զրույցում ասաց ՌԴ առաջին կարգի պետական խորհրդական, ռուսական «Ռեգնում» լրատվական գործակալության գլխավոր խմբագիր, վերլուծաբան Մոդեստ Կոլերովը՝ անդրադառնալով ռուսական գազի սակագինը Հայաստանի համար իջեցնելու շուրջ հայ-ռուսական բանակցությունների վերսկսմանը, դրանց հնարավոր ելքին և բանակցությունների քաղաքական ու տնտեսական բովանդակությանը։

Հիշեցնենք, մարտի 31-ին ՀՀ փոխվարչապետ Մհեր Գրիգորյանը Կառավարության անունից Հայաստան մատակարարվող գազի գնի փոփոխության վերաբերյալ նոր բանակցություններ սկսելու նամակով դիմել է «Գազպրոմ» ՀԲԸ վարչության նախագահ Ալեքսեյ Միլլերին: Այս հարցը քննարկվել էր վերջերս նաև Փաշինյան-Լուկաշենկո հեռախոսազրույցի ընթացքում, ըստ բելառուսական պաշտոնական հաղորդագրության։ Հարկ է նշել, որ ՀՀ կառավարության տարածած հաղորդագրությունում որևէ խոսք այդ մասին չկար։

Ի տարբերություն Փաշինյան-Լուկաշենկո հեռախոսազրույցի՝ օրերս Փաշինյան-Պուտին հեռախոսազրույցի ընթացքում, այս անգամ՝ ըստ ՀՀ կառավարության հաղորդագրության, քննարկվել էր Հայաստան մատակարարվող գազի գինը և Հայաստանի հայտը, ու այս դեպքում զրույցի գազային հատվածը բացակայում էր Կրեմլի տարածած հաղորդագրությունից։

ՀՀ վարչապետ Նիկոլ Փաշինյանի խոսքով՝ հայկական կողմը ՌԴ-ին դիմել է 2 բաղադրիչով՝ սակագնի իջեցում և առևտրի իրականացում ազգային արժույթով, այսինքն՝ դոլարի փոխարեն՝ ռուբլով։

Մոդեստ Կոլերովն ասաց, որ հարցը պետք է քննարկվի միմիայն «Գազպրոմ»-ի հետ՝ տնտեսական մակարդակում, ուստի փորձերը՝ դրանց հաղորդել քաղաքական հնչեղություն և նշանակություն, ըստ նրա՝ գալիս է բացառապես Հայաստանից։

Մեր հստակեցմանը, որ ՀՀ վարչապետ Նիկոլ Փաշինյանն իր վերջին ծավալուն ուղիղ եթերներից մեկի ժամանակ ասել է, որ սա իսկապես տնտեսական հարց է, և կարիք չկա այն քաղաքականացնել, Կոլերովն արձագանքեց՝ ասելով, որ տնտեսական հարցը, այսինքն՝ տուրբուլենտ իրավիճակն էներգետիկ շուկայում օգտագործվում է այն նպատակով, որպեսզի ստացվեն օգուտներ։

«Այսինքն, իհարկե, մաքուր տնտեսական հարց է, բայց կիրառվում է բացառապես քաղաքական կոնտեքստ, և պարզապես ցույց տալ, որ դա բացառապես տնտեսական հարց է, պետք չէ, քանի որ այդ հարցն արտացոլում է էներգետիկ շուկայում առկա տուրբուլենտ իրավիճակը։ Անկեղծ ասած, կողքից դա այնքան էլ քաղաքական քայլ, մոտեցում չի երևակվում, քանի որ էներգետիկ շուկայում ճգնաժամային իրավիճակ է ստեղծվել, և հենց այս պահին ինչ-որ մեկը ցանկանում է դրանից օգտվել։ Բայց ախր հիմարներ ընդհանրապես չկան։ Հայաստանը ցանկանում է օգտվել քաղաքական, համաճարակային, ճգնաժամային իրավիճակից, որպեսզի լավացնի իր էներգետիկ հավասարակշռությունը։ Եթե այդ հարցը մաքուր տնտեսական է, այն հենց այս փուլում չէր բարձրացվի, այն հենց հիմա է բարձրացվել, քանի որ շուկայում կա ճգնաժամային իրավիճակ։ Այսինքն՝ արջը սկսեց կաղալ, և իր բարի ընկերներն ասում են․ «Լսիր, արջ, ինչո՞ւ ես միայն մեկ ոտքով կաղում, արի երկրորդ ոտքով էլ կաղա, իսկ մենք քեզ դրա համար կգովաբանենք»։ Այսպես է դա ընկալվում, դա մարադյորություն է»,- նման կարծիք հայտնեց Կոլերովը։

Ըստ նրա՝ ինչ-որ մարդկանց թվում է, որ այս հարցի քննարկումը Հայաստան-Բելառուս ձևաչափում ամրապնդում է իրենց դիրքերը։ Սակայն, ինչպես ասաց Կոլերովը՝ այս իրավիճակին կողքից հետևող յուրաքանչյուրի համար տեսանելի է, որ դա կլոունադա է։

«Լուկաշենկոն վաղուց վերածվել է Ժիրինովսկիի նման գործչի, ի դեպ, Ժիրինովսկին արդեն 30 տարի հաջող կերպով իրականացնում է իր պոպուլիստական դերակատարությունը, իսկ ոչ թատերական իրավիճակներում նա շատ խելացի, փորձառու և հասկացող մարդ է: Իսկ Լուկաշենկոյի մասին նույնը չենք կարող ասել, քանի որ նա իր լեզվի գերին է՝ զգացմունքային, նրա քաղաքականության պատճառով Բելառուսը ճգնաժամի մեջ է: Լուկաշենկոն հեռացող էություն է, կոնֆլիկտային մարդ, մարդ, ում մոտ, ինչպես մենք ենք ասում՝ «շաբաթվա յոթ օրն ուրբաթ է»: Եվ նման մարդու հետ գործընկերություն անելը նշանակում է՝ սեփական անձին չհարգել»,- նշեց Կոլերովը։

168․am-ի դիտարկմանը, թե Բելառուսն առաջին հերթին՝ Ռուսաստանի գործընկերն է և Հայաստանի ԵԱՏՄ շրջանակում գործընկերը, Կոլերովն ասաց, որ Ռուսաստանը դատապարտված է գործ ունենալ Լուկաշենկոյի հետ։

«Մենք Բելառուսի հետ գործընկերային հարաբերություններ ունենք, որը գործընկերային երկիր է, իսկ Հայաստանի՞ն ինչու է դա պետք։ Հայաստանը ԵԱՏՄ անդամ է, ԵԱՏՄ շրջանակում կան ընթացակարգեր՝ համաձայնեցնելու տնտեսական բնույթի վեճերը, տարաձայնությունները, իսկ երբ կա Բելառուսի հետ սեպարատ խոսակցություն այդ թեմայով, դա արդեն ԵԱՏՄ չէ, դա երկկողմ սեպարատ խոսակցություն է։ Ըստ իս, այդ ձևաչափը, որպես այս հարցում սեփական դիրքերն ամրապնդող գործոն, անլուրջ և ոչ հասուն մոտեցում է, ինչպես և փորձը՝ օգտվել շուկայի ճգնաժամային իրավիճակից՝ գազի սակագների վերանայման պահանջ ներկայացնելով»,- ասաց Կոլերովը։

Այնուամենայնիվ, վերլուծաբանի կարծիքով՝ «Գազպրոմ»-ի կողմից կլինի բացառապես տնտեսական պատասխան։ «Ընկերությունը կփորձի հասկանալ՝ կարո՞ղ է իրեն նման բան թույլ տալ, թե՞ ոչ։ Ինչպես գիտեք, ի տարբերություն նավթի, գազը բիրժային ապրանք չէ, այն չունի մեկ ընդհանուր համաշխարհային շուկա, գազն ունի պայմանագրային, տարածաշրջանային գներ։ Իմ ընկալումն այնպիսին է, որ չպետք է սակագները բոլոր երկրների համար կախված լինեն համաշխարհային միտումներից»,- ասաց Կոլերովը։

Հարցին՝ ինչպե՞ս է գնահատում կարծիքները, որ գազի սակագները Հայաստանի համար կարող են դառնալ լողացող, այսինքն՝ փոփոխվեն՝ մշտապես հաշվի առնելով էներգետիկ շուկայի միտումները, Կոլերովը պատասխանեց, որ այդ հարցը չի կարող մանրամասն վերլուծել։ «Ծանոթ եմ այդ վերլուծություններին, բայց ես դրա մասնագետը չեմ։ Ես այդքան խելացի չեմ»,- կեսկատակ-կեսլուրջ ասաց նա։

Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/zham.am.armenia/a>