Էդ, որ ասում եք՝ Նիկոլն իշխանությունը վերադարձրեց ժողովրդին, մի հատ գրպաններդ թափ տվեք էլի, տեսեք՝ գրպաններումդ իշխանություն կա՞
Մի բան ասեմ ու գնամ․․․
Էդ, որ ասում եք՝ Նիկոլն իշխանությունը վերադարձրեց ժողովրդին։ Մի հատ գրպաններդ թափ տվեք էլի, տեսեք՝ գրպաններումդ իշխանություն կա՞․․․ Թե՞ ժողովուրդ ասելով նկատի ունեք ԱԺ իշխանական անմեղսունակներին․․․ Նրա՞նք են ժողովուրդը, նախկին հանրապետական կադրերով համալրված վարչական ապարա՞տն է ժողովուրդը, թե՞ երկու օրը մեկ պագոն փոխող նախկին օլիգարխը, որ Նիկոլի թեթև ձեռքով դարձավ սեփականատեր ու շարունակում է գռփել մեզ։
Հա, էն որ ասում եք՝ կոպեկ-կոպեկ հետ ենք բերելու։
Մի հատ էլ ձեր դրամապանակները թափ տվեք խնդրում եմ։ Տեսեք՝ ինչ-որ բան ձեր աղքատիկ բյուջեում ավելացե՞լ է։ Ինչ-որ կերպ ձեզ թալա՞ն են հետ տվել։
Եթե պիտի վերադարձվի պետական բյուջե, որ հետո պարգևավճարի տեսքով մտնի իշխանավորի գրպանը, հեչ էլ, թե չի վերադարձվի։ Եթե իմ պետությունն ու իմ պետության քաղաքացին չեն օգտվում, եթե նոր գործարան, դպրոց ու մշակույթի օջախ չի կառուցվում, եթե զինվորականն էլի տաքսի է վարում, որ երեխին կերակրի, ներկա պարգևավճար ստացողն ու նախկին թալանչին ինձ համար նույն շարքերում են։
Հետևաբար ներկաները նույն նախկիններն են։ Նախկինները ներկաներն են։ Ոչինչ չի փոխվել Հայաստանի 4 ղեկավարների օրոք։ Մեկը մյուսի տրամաբանական շարունակությունն է։ Բայց նախկիններն ավելի պարկեշտ էին։ Նրանք գոնե իրենց գայլի դեմքը գառան դիմակի տակ չէին թաքցնում։
Վահե Լոռենցի ֆեյսբուքյան էջից
Հետևեք մեզ Facebook-ում