Փաշինյանը գազի գնի շուրջ Պուտինի հետ զրույցի մասին

«Այսօր ես հեռախոսազրույց եմ ունեցել ՌԴ նախագահ Պուտինի հետ և այդ հարցը քննարկել ենք: Ես ասել եմ, որ հաշվի առնելով այս ճգնաժամային իրավիճակը և՛ հումանիտար, և՛ տնտեսական առումով ես ակնկալում եմ, որ ՌԴ նախագահը կմիջամտի այս պրոցեսին, որ կարողանանք «Գազպրոմ-Արմենիայի» ներկայացրած հայտի հետ կապված որոշումներ կայացնել: Քանի որ հանրության, կառավարության կողմից չի ընկալվում, որ այս ճգնաժամային իրավիճակում կարելի է այսպիսի որոշում կայացնել»:

Մինչ Մհեր Գրիգորյանը Հանրային հեռուստաընկերության հարցազրույցում փորձում էր շտկել Միլլերին ուղղված իր նամակից առաջացող ռիսկերը` «Գազպրոմի» հետ հետագա երկխոսության ակնկալվող մեկնարկային դրությունը բերելով առավել պերմենանտ, ոչ իրավիճակային լուծումների դաշտ, Փաշինյանը շարունակում է, երևի չվախենամ պնդել, իսկզբանե ձախողված իներցիան` դիսկուրսը տանելով «այսրոպեական» նախադրյալների ու պահանջների ուղղությամբ:

Եթե սա փորձ է երկու ճակատով պայքարի, ապա արդյունքները, չի բացառվում, լինեն վատի ու վատագույնի միջև:

Իսկ ահա Պուտինի հետ զրույցի բառակազմը` «ես ակնկալում եմ», «հանրության կողմից չի ընկալվում այսպիսի որոշում կայացնելը», առնվազն հեռախոսազրույցի վերաբերյալ ռուսական կողմի պաշտոնական հաղորդագրության հետ արժե համեմատել: Կարող է պատահել, մեզ մոտ զրույցը շատ հաջող «տեղայնացվել» է Փաշինյանի լայվային զրուցակիցների համար:

Տառապանքը փորձ ունի։

Լիլիթ Ամիրխանյանի ֆեյսբուքյան էջից