Չինացիները կրկին վերադարձել են չղջիկներ ուտելուն և վերաբացել մսի շուկաները, որտեղից, հնարավոր է, տարածվել է կորոնավիրուսը. Daily Mail
Չինաստանի բնակիչները կորոնավիրուսը հաղթահարելուց հետո կրկին վերադարձել են սննդի մեջ չղջիկներ օգտագործելուն, գրում է Tert.am-ը՝ Daily Mail-ին հղելով։
Լրատվամիջոցի թղթակիցը հետևել է, թե ինչպես են հազարավոր հաճախորդներ կրկին հավաքվել Չինաստանի հարավ-արևմտյան մասում գտնվող Գույլին քաղաքի շուկայում, որը նույն տեսքն ունի, ինչ համաճարակից առաջ․ ընտանի կենդանիներով լցված ժանգոտ վանդակներ, հատակին արյան հոսող «վտակներ»՝ խառնված կենդանիների մսեղիքով։
«Բոլորն այստեղ կարծում են, թե համաճարակի բռնկումն ավարտվել է, և այլևս անհանգստանալու կարիք չկա»,- նշել է պարբերականի թղթակիցը։
Հայտնի է նաև, որ Դունգուան շրջանում նմանատիպ ևս մի շուկա է բացվել, որտեղ համաճարակից առաջ եղած իրավիճակի համեմատ, միակ տարբերությունն այն է, որ շուկայում պահակներ են հայտնվել, որոնք հետևում են, որ վաճառողների աշխատանքը լրատվամիջոցները չլուսաբանեն։
Գիտնականների շրջանում ընդունված վարկածի համաձայն՝ կորոնավիրուսն առաջին անգամ մարդուն է փոխանցվել չինական Ուհան քաղաքի մսի շուկայում՝ հենց չղջիկից։ Այս ձեռնաթևավորները, շնորհիվ իրենց ամուր իմունային համակարգի, կարող են մարդու համար մահացու համարվող միաժամանակ ավելի քան մեկուկես տասնյակ վիրուս կրել։
Հիշեցնենք, որ մարտի 24-ին հայտնի դարձավ, որ Չինաստանում որոշել են կրկին բացել համավարակը հաղթահարած Ուհան քաղաքը, որը փակվել էր դեռևս հունվարի 22-ին։
Հետևեք մեզ Facebook-ում