Լավ լուր օրինապաշտ քաղաքացիների համար. Ինչպե՞ս պայքարել կորոնավիրուսի դեմ

Երեկ առողջապահության համաշխարհային կազմակերպությունը պաշտոնապես նշել է, որ «...Կորոնավիրուսը չի անցնում մարդուն օդային ճանապարհով...»: Այսինքն, եթե առողջ մարդը նույնիսկ շփվի հիվանդի հետ մեկուկես մետր հեռավորության վրա, ապա նույնիսկ այդ դեպքում նա չի վարակվի: Ավելին, եթե առողջ մարդը շփվի հիվանդի հետ մոտ հեռավորության վրա նա նույնպես չի վարակվի, եթե հիվանդը առողջ մարդու վրա չփռշտա կամ չհազա:

Այսինքն, ըստ ԱՀԿ-ի փորձագետների, վիրուսը տարածվում է բացառապես օդակաթիլային եղանակով:

Սա նշանակում է, որ առողջ քաղաքացին կարող է չվարակվել, եթե կատարի մի շարք տարրական քայլեր:

Առաջին

Առողջ  քաղաքացին պետք է խուսափի շփվել մարդկանց հետ մեկ մետր հեռավորության  վրա: Շփումը պետք է լինի մեկ մետրից հեռու հեռավորության վրա:

Երկրորդ

Եթե հիվանդը լինի դիմակով, ապա առողջ մարդը չի վարակվի: Եվ ուրեմն շատ կարևոր է, որ դեղատների, խանութների բոլոր վաճառողները պարտադիր աշխատեն դիմակով:

Բացի այդ բոլոր հիվանդները պարտադիր պետք է լինեն դիմակով, հատկապես մարդկանց հետ շփվելու ժամանակ և փակ տարածքներում:

ԱՀԿ-ն երեկ նաև հայտարարել է, որ վիրուս պարունակող կաթիլները չափազանց ծանր են և չեն մնում օդում: Այսինքն օդային ճանապարհով մարդը չի կարող վարակվել հիվանդից: Սակայն  այդ ծանր վիրուսով կաթիլները նստում են տարբեր մարմինների վրա, և վարակը մնում է այդ մարմինների մակերեսների վրա:

ԱՀԿ-ն հրապարակել է այն մարմինները, որոնց վրա երկար մնում է վիրուսը:

Դրանք են. 

- Պղնձի վրա մնում է վիրուսը մոտ 4 ժամ

-  կարտոնի վրա` 24 ժամ

- պլաստիկ մարմինների վրա վիրուսը կարող մնալ մինչև երեք օր

- թղտի վրա` մինչև 24 ժամ:

Հատուկ ԱՀԿ-ի փորձագետները նշում են, որ մարդկանց շորերի վրա վիրուսը չի մնում:

Ի՞նչ է սա նշանակում:

Առաջին

Առողջ քաղաքացին կարող է խուսափել վիրուսի վարակից, եթե նա օգտագործի ձեռնոցներ և ձեռներով չշփի բերանը կամ քիթը

Երկրորդ

Դրսում քաղաքացին չպետք է սնունդ ընդունի, եթե մինչ այդ նա չունի ձեռքերը լվանալու հնարավորություն  

Երրորդ

Տուն վերադառնալուց անմիջապես հետո քաղաքացին անպայման օճառով առաջինը պետք է լվանա իր ձեռքերն ու դեմքը

Չորրորդ

Փակ տարածքներ մտնելուց քաղաքացին պետք է կրի ձեռնոցներ  կամ   ձեռքերը շփի ալկոգելով:

Հինգերորդ

Եթե կոլեկտիվ հանդիպումների ժամանակ քաղաքացին կատարի վերը նշած այս տարրական պայմանները, ապա բացառվում է, որ առողջ քաղաքացին կարող է վարակվել կորոնավիրուսով:

Այսինքն, եթե քաղաքացին օրինապաշտ է, կատարում է վերը նշված այս տարրական պայմանները, ապա նա կարող է խուսափել այս չարաբաստիկ վարակից: Պարզապես անհրաժեշտ է, որ պետությունը կարողանա ուղղորդել իր քաղաքացիներին այս տարրական նորմերի  պահպանման համար,րի արդյունքում, մարդիկ կկարողանան խուսափել այս վտանգից:

Հասմիկ Գրիգորյան