Կրկին` վարկերի և տոկոսների մասին: Միայն սառեցում առնվազն երեք ամսով, սա է միակ ելքը
Վերջին օրերին հայտարարություն տարածվեց, որ բանկերը և վարկային կազմակերպությունները վերանայել են բազմաթիվ քաղաքացիների վարկային պարտականությունները`թեթևացման կարգով և շատերին տվել են, այսպես կոչված` վարկային արձակուրդ։
Կրկին վերահաստատում եմ իմ կարծիքը առ այն, որ տվյալները, որոնք տրամադրել են բանկերը իշխանություններին , կա՛մ լիարժեք չեն, կա՛մ մի քիչ «խորամանկ» են:
1-Խոսքը չի գնում «վարկային արձակուրդի» մասին, խոսքը գնում է տոկոսների ՍԱՌԵՑՄԱՆ մասին, ինչը նշանակում է, որ նույնիսկ եթե բանկերը "մեծահոգություն են" ցուցաբերել տրամադրելով վարկային արձակուրդ , ապա այդ դեպքում, վարկառուն կհայտնվի ավելի ծանր վիճակում, քանզի արձակուրդի ժամանակ տրամադրված արտոնությունները (տոկոսները) միևնույն է պետք է մարվեն հետո, ավելացնելով մարդկանց վրա ֆինանսական բեռը։
Ես պնդում եմ, որ միայն վարկերի տոկոսների սառեցումը առնվազն երեք ամսով թույլ կտա մարդկանց այս ծանրագույն վիճակում չխորտակվել վերջնականապես։
2-Օրական շատ նամակներ եմ ստանում, որտեղ մարդիկ անուններով և հասցեներով ապացուցում են, որ ֆինանսական կառույցները շարունակում են այս պայմաններում իրենց օրինական «ռեկետը» մարդկանց հանդեպ։
Միևնույն է, տոկոսները վաղ թե ուշ սառեցվելու են, հակառակ դեպքում` ֆինանսական համակարգը պայթելու է, քանզի մարդիկ ուղղակի չեն ունենա վճարելու գումար:
Միայն սառեցում առնվազն երեք ամսով, սա է միակ ելքը։
Արման Աբովյանի ֆեյսբուքյան էջից
Հետևեք մեզ Facebook-ում