Սա ծաղրանք կամ հեգնանք չի՛, ուղղակի ստեղծված իրավիճակում ստիպված եմ դիմել Ձեզ. արդեն 5-րդ ամիսն է չեմ կարողանում վերադառնալ Հայրենիք. Հովհաննիսյանը՝ Ավինյանին. Լուսանկար

Այսօր տեղեկացա, որ փոխվարչապետ, պարետ Տ․ Ավինյանը մարտի 24–ին կայցրել է որոշում՝ հանրային իշխանության մարմինների և ԶԼՄ-ների գործունեության նկատմամբ սահմանել որոշ սահմանափակումներ։ Սույն որոշմամբ ամրագրված սահմանափակումների պահպանումը ապահովելու են ՀՀ Ազգային անվտանգության ծառայության տնօրեն Է․ Մարտիրոսյանը և ՀՀ ոստիկանության պետ Ա․ Սարգսյանը։

Հարգելի փոխվարչապետ, պարետ Տ․ Ավինյան, ՀՀ ԱԱԾ տնօրեն Է․ Մարտիրոսյան և ՀՀ ոստիկանության պետ Ա․ Սարգսյան, Ձեր ուշադրությանն եմ ներկայացնում տեղաշարժման թերթիկս՝ վստահ լինելով, որ Դուք անձամբ կզբաղվեք իմ հարցով և կկարողանաք վերականգնել իրավական արդարությունը:

Հ․Գ․ Սա ծաղրանք կամ հեգնանք չի՛, ուղղակի ստեղծված իրավիճակում ստիպված եմ դիմել Ձեզ նաև այս միջոցով։ Ի դեպ, արդեն 5-րդ ամիսն է չեմ կարողանում վերադառնալ Հայրենիք։

«Օրբելի» վերլուծական կենտրոնի նախկին աշխատակից, քաղաքագետ Անդրանիկ Հովհաննիսյանի ֆեյսբուքյան էջից

Հիշեցնենք, արտաքսումից երեք օր հետո Ազգային անվտանգության ծառայությունը հաղորդագրություն է տարածել, որում նշվում է` «Անդրանիկ Հովհաննիսյանի մուտքը Հայաստան արգելվել է, քանի որ գոյություն են ունեցել նրա կողմից Հայաստանի Հանրապետության պետական անվտանգությանը կամ հասարակական կարգին այլ լուրջ և հիմնավոր սպառնալիքներ»։