Պարզվում է, որ մեր քաղաքացիների մի ստվար զանգված մանկամիտ է և ոչ հասուն

Պարզվում է, որ մեր քաղաքացիների մի ստվար զանգված մանկամիտ է և ոչ հասուն, դեռևս չի գիտակցում իրավիճակի լրջությունը: Դրա մասին էին վկայում այսօրվա մարդաշատ զբոսայգիներն ու պարենային խանութները, ուր մեր քաղաքացիները իրար կպած առանց դիմակների ու ձեռնոցների հանգիստ առևտուր էին անում: Ու այս կապակցությամբ հիշեցի Ռումիի հետևյալ խոսքերը.

«Քո հիվանդությունը քեզանից է, բայց դու դա չես գիտակցում և քո բուժումը քո ներսում է, սակայն դու դա չես զգում: Դու կարծում ես, որ փոքր միավոր ես, սակայն քո մեջ մի ամբողջ Աշխարհ է գտնվում: Դու իրապես բացահայտ գիրք ես, որի այբուբենով անհայտը հայտնի է դառնում: Այդ պատճառով էլ, դու կարիք չունես նայելու քեզանից դուրս: Այն ինչ փնտրում ես դրսում՝ քո մեջ է, եթե դու իհարկե այն ցանկանում ես տեսնել… »:

Սիրելի հայրենակիցներ, օգտագործեք տանը մնալու առիթը ոչ միայն առողջ մնալու այլ՝ ինքներդ ձեզ բացահայտելու, ինքնաճանաչման և ձեր մտերիմներին ավելի լավ հասկանալու համար: Առողջ եղեք՝ ՄՆԱՑԵՔ ՏԱՆԸ:

Ռուբեն Կարապետյանի ֆեյսբուքյան էջից