Ցավով տեղեկացա, թե ով ինչքան է դեգրադացվել

Երկար ժամանակ էր, ինչ ֆբ-ում երկար ժամանակ չէի անցկացրել, բայց քանի որ գրիպով պառկած եմ, երեկ մի քիչ երկար լռվեցի էս տիրույթում, ֆբ-ն սկսեց բերել էն ընկերներիս գրառումները, որոնց չեմ տեսնում սովորաբար նյուզֆիդում։ Ցավով տեղեկացա, թե ով ինչքան է դեգրադացվել։

Մեր հասարակությունը լուրջ բարոյական ճգնաժամի մեջ է։ Առաջ ինձ թվում էր, որ ապրիլյան պատերազմը, Սասնա ծռերը, Հաց բերողը, ընդհանրապես անձնազոհությունն իբրեւ արարք օգնում են էդ ճգնաժամը հաղթահարելուն, բայց երեկ բացահայտեցի, որ էդպես չի, ամեն մեկն իրենն է քաղում կատարվածից, ու եթե մարդու մոտ մեկնարկել է դեգրադացիան, ամենայն հավանականությամբ հենց դա էլ խորանալու է, ոչ թե հակառակը։ Համենայնդեպս, եթե ապավինում ենք արարքի զգացական ընկալմանը եւ դրան չենք տալիս բազմակողմանի մեկնաբանություն։

Մի քանի բան ֆիքսեցի ինձ համար հարգելի, սիրելի ու հարազատ մարդկանց մոտ, առայժմ շոկի մեջ եմ եւ ունակ չեմ անդրդառնալու, բայց անպայման անդրադառնալու եմ։ Եթե մենք մեր ընկերներին չասենք, որ իրենք վտանգավոր ճանապարհի վրա են, էլ ուրիշ ո՞վ կասի։

Արփի Ոսկանյանի ֆեյսբուքյան էջից