«Այս ամենից հետո մենք ապրելու ենք ուրիշ, հետգլոբալիստական աշխարհում». Արման Աբովյան

«Բարգավաճ Հայաստան» խմբակցության պատգամավոր Արման Աբովյանը գրել է. «Աշխարհը սրընթաց փոխվում է։ Հաստատ կարելի է ասել, որ այս ամենից հետո մենք ապրելու ենք ուրիշ, հետգլոբալիստական աշխարհում։ Արդեն այսօր, հզոր գերպետությունները հռչակում են ազգային և պետականացենտրիստական ժամանաշրջանի սկիզբ. Թրամփ, Մակրոն, Մերկել, Պուտին... բոլորն անխտիր արդեն պնդում են, որ վերադարձ հին համաշխարհային տնտեսական մոդելին չի լինի, իսկ ինչ կլինի... հստակ այսօր ոչ ոք չի կարող ասել, բայց այն, որ նեոլիբերալ գաղափարները վերանում են՝ ճանապարհ բացելով առողջ ազգայնական և կոնսերվատիվ հոսքերի համար, դա ակնհայտ է։

Հիմա հարց՝ պատրա՞ստ ենք մենք արդյոք: Այ հենց այս հարցին մենք պարտավոր ենք պատասխանել ամենամոտ ժամանակներում:

Ակնհայտ է, որ պետք է ճիշտ կողմնորոշվել, ուրիշ տարբերակ չկա, այլ կերպ կկորչենք վերջնականապես նոր պատմական փոթորիկի մեջ»։