«Ուշադրություն. բանակի վերաբերյալ կեղծ տեղեկատվություն է տարածվում»

Քրդագետ, թուրքագետ Կարեն Հովհաննիսյանը ֆեսբուքյան իր էջում գրել է.

«Հարգելի՛ օգտատերեր, ֆեյսբուքյան հայկական տիրույթում, հատկապես՝ հայկական խմբերում, իսկական օգտատերերի անունից տարածվում են հայատառ գրառումներ Արցախում և Հայոց բանակում կորոնավիրուսի տարածման դեպքերի վերաբերյալ ԿԵՂԾ տեղեկատվություն:

Գրառումները բացառապես խուճապային տրամադրություններով են: Մի քանի օգտատերի հետ հաջողվել է կապ հաստատել, և պարզվել է, որ այդ մարդկանց օգտահաշվիները կոտրված են, կամ զուգահեռաբար օգտագործվում են այլ անձանց, տվյալ դեպքում ենթադրաբար հակերների կողմից: Երբ կհանդիպեք նմանատիպ գրառումների, հայտարարությունների, խնդրում եմ՝ քոմենթներում վիրավորելու փոխարեն փորձեք տվյալ անձի ընկերների շրջանակները ճշտել և նրանց միջոցով կապ հաստատել օգտատիրոջ հետ և տեղեկացնել երևույթի մասին:

     Հ.Գ. Օգտատերերի անունները և նկարները ես եմ փակել, այս մարդկանց հետ արդեն կապ ենք հաստատել...»: