ԶԼՄ-ի կողմից այդ արարքի կատարումը որպես վարչական իրավախախտում՝ դրա համար նախատեսելով տուգանք՝ նվազագույն աշխատավարձի 500-ապատիկից մինչև 800-ապատիկ
Սույն թվականի մարտի 16-ին ընդունվեց «Արտակարգ դրություն հայտարարելու մասին» կառավարության որոշումը, համաձայն որի՝ սահմանվել են հետևյալ սահմանափակումները.
1️⃣ Անձանց ազատ տեղաշարժվելու իրավունքի և տրանսպորտային միջոցների տեղաշարժման (տեղաշարժման հատուկ ռեժիմ).
2️⃣ Անձանց սեփականության իրավունքի.
3️⃣ Քրեակատարողական հիմնարկներում, ձերբակալվածներին պահելու վայրերում, տարեցներին սոցիալական ծառայություններ տրամադրող, երեխաների խնամք և պաշտպանություն իրականացնող հաստատություններում, հոգեբուժական կազմակերպություններում և ՀՀ պաշտպանության նախարարության զորամասերում.
4️⃣ Հավաքներ կամ հանրային միջոցառումներ իրականացնելու.
5️⃣ Հայաստանի Հանրապետությունից ապրանքների փոխադրման.
6️⃣ Տնտեսական գործունեության առանձին տեսակների եւ ծառայությունների մատուցման, կրթական հաստատությունների գործունեության.
7️⃣ Զանգվածային լրատվության միջոցներով առանձին հրապարակումների, հաղորդումների:
Կառավարության որոշման առավել քննարկվող հատվածներից է, ԲԱՑԱՌԱՊԵՍ պարետատան կողմից տրամադրված տեղեկատվությանը հղում կատարելով՝ ՀՀ-ում, ինչպես նաև ՀՀ տարածքից դուրս վարակման առկա և նոր դեպքերի, անձանց առողջական վիճակի, վարակի աղբյուրների, առկա կամ հնարավոր վարակակիր անձանց հետ շփված այլ անձանց շրջանակի, զննում (վարակի թեստավորում) անցնող անձանց և մեկուսացվածների քանակի, ինչպես նաև խուճապի հանգեցնող կամ խուճապային իրադրություն ստեղծելու վտանգ պարունակող տեղեկությունների վերաբերյալ հրապարակումների, տեղեկատվական նյութերի, հարցազրույցների, հաղորդումների հրապարակային ՏԱՐԱԾՄԱՆ, ՓՈԽԱՆՑՄԱՆ, ՆԵՐԱՌՅԱԼ` ԻՆՏԵՐՆԵՏԱՅԻՆ ԿԱՅՔԵՐՈՒՄ և ՍՈՑԻԱԼԱԿԱՆ ՑԱՆՑԵՐՈՒՄ ԴՐԱՆՑ ՀՐԱՊԱՐԱԿՈՒՄՆԵՐԻ ՁԵՎՈՎ ԿԱՏԱՐՄԱՆ ՊԱՀԱՆՋԸ։
Արդյունքում ոչ իրավաչափ է դառնում վարակի վերաբերյալ պարետատան կարծիքին հակասող կամ չհաապատասխանող տեղեկատվության տարածումը։
Հարց է ծագում, թե ինչ պատասխանատվություն է սահմանված կառավարության որոշման այս պահանջը խախտելու համար։
Օրենսդրությունը որևէ պատասխանատվություն ՉԻ ՆԱԽԱՏԵՍՈՒՄ ֆիզիկական անձանց կողմից կառավարության որոշմամբ նախատեսված վերոնշյալ արգելքը խախտելու համար։
Դիցուք՝ ֆեյսբուքյան X օգտատերը կարող է իր ֆեյսբուքյան էջում կատարել գրառումներ, որոնք ուղղակիորեն չեն բխում կամ անգամ հակասում են պարետատան պաշտոնական կարծիքին, քանի որ նշված արարքի համար ՀՀ օրենսդրությունը որևէ պատասխանատվություն չի նախատեսում։ Սակայն ԶԼՄ-ն չի կարող X օգտատիրոջ նշված գրառմանը հղում կատարել, այն տեղադրել իր կայքէջում կամ այդ հարցի վերաբերյալ X օգտատիրոջ կարծիքը հեռարձակել որևէ եղանակով, քանի որ Վարչական իրավախախտումենրի վերաբերյալ օրենսգիրքը նախատեսում է ԶԼՄ-ի կողմից այդ արարքի կատարումը որպես վարչական իրավախախտում՝ դրա համար նախատեսելով տուգանք՝ նվազագույն աշխատավարձի 500-ապատիկից մինչև 800-ապատիկի չափով:
Գոհար Մելոյանի ֆեյսբուքյան էջից
Հետևեք մեզ Facebook-ում