Նուբար Աֆեյանի ընկերության պատվաստանյութն կորոնավիրուսի դեմ փորձարկում են մարդկանց վրա. Տեսանյութ

Moderna Therapeutics բիոտեխնոլոգիական ընկերությունը, որը հիմնված է Մասաչուսեթս նահանգի Քեմբրիջ քաղաքում,  առաքել է COVID-19 պատվաստանյութի առաջին խմբաքանակները: 

Ամերիկացի գիտնականները երեկվանից սկսել են կորոնավիրուսի դեմ պատվաստանյութի՝ mRNA-1273-ի կլինիկական փորձարկումները: Առաջին կամավորներն արդեն ստացել են փորձնական պատվաստանյութի ներարկումը: Փորձարկումը տեղի է ունեցել Սիեթլի հետազոտական ինստիտուտում: Պատվաստանյութը ներարկվել է առողջ 45 կամավորի: Նրանց մեկ ամսում 2 չափաբաժին պատվաստանյութ կներարկեն:

Associated Press-ի տվյալներով, 43-ամյա կինը, որին պատվաստանյութ են ներարկել, իրեն լավ է զգում: 

Հաղորդվում է, որ նմուշները վիրուս չեն պարունակում, այդ պատճառով մասնակիցները վարակակիր չեն դառնա։ Փորձի հիմնական նպատակը պատվաստանյութի  հնարավոր կողմնակի ազդեցության նշանների հայտնաբերումն է, որոնց ի հայտ չգալու դեպքում հնարավոր կլինի արդեն առավել լայնամասշտաբ փորձարկումների անցնել։

Moderna Therapeutics-ի համահիմնադիրն ու նախագահը հայազգի Նուբար Աֆեյանն է։

Zham.am