Թուրքիայում կատարվող պրոցեսներն ազդելու են նաև Արցախի խնդրի վրա

Ընտրություններով տարված ուշադրություն չենք դարձնում Թուրքիայում կատարվող շատ կարևոր իրադարձությունների վրա, ինչն ուղղակիորեն ազդելու է նաև Արցախի խնդրի վրա:

Որքան հասկանում եմ Էրդողանը հատուկ է լարում հարաբերությունները Եվրոպայի հետ և դրա հիմնական պատճառը ներքին խնդիրներն են:

Եվրոպայի հետ լարելով հարաբերությունները նա փակուղու մեջ է դնում իր հիմնական ախոյաններին` քեմալականներին, որոնց հիմնական գաղափարն է աշխարհիկ, եվրոպականացված Թուրքիան:

Փաստորեն նա տապալում է քեմալական պրոյեկտը` վատացնելով հարաբերությունները Արևմուտքի հետ նա լուսանցք է մղում քեմալականներին, որոնք հատկապես դեռ շատ են բանակում, կրթության ոլորտում և այլն:

Որքան շատ հակաթուրքական ակցիաներ լինեն Եվրոպայում` հանրաքվեից առաջ, այնքան լավ իր համար և եթե ուշադրություն դարձնեք, ապա կտեսնեք, թո որքան մոտենում է ապրիլի կայանալիք սահմանադրական փոփոխությունների հանրաքվեն, այնքան Էրդողանն արհեստական կերպով կոնֆլիկտներ է հրահրում:

Թուրքիան ցուցադրաբար թեքվում է Արևելք, ինչն բնականաբար անհանգստացնում է Ռուսաստանին, հաշվի առնելով Ռուսաստանի թյուրքական և սունի-մուսուլման զգալի բնակչությունը և ըստ էության դրա համար է Ռուսաստանը ակտիվացել մեր ռեգիոնում ու հայկական խաղաքարտն է մեջտեղ բերել, առաջարկելով բացել հայ-թուրքական սահմանը, լավ հասկանալով, որ դրանով կլարվեն թուրք- ադրբեջանական հարաբերությունները:

Մոսկվայում Էրդողանի Ռուսաստան-Թուրքիա-Ադրբեջան առանցք ստեղծելու առաջարկն այս կոնտեքստում է երևի պետք դիտարկել, ինչպես նաև դրան հաջորդած Լավրովի հայկական լրատվամիջոցին տված հայ-թուրքական հարաբերությունների կարգավորման մասին հարցազրույցը:

Դրան թուրքերը պատասխանեցին ռուսական հացահատկի գնման խնդրում առաջացրած բարդություններով, իսկ Ադրբեջանի նախկին արտգործնախարը առաջարկեց "հայ" Լավրովին աշխատանքից հեռացնել:

Մի խոսքով, հիմնական իրադարձություններն առջևում են:

Քաղաքագետ Ստեփան Դանիելյանի ֆեյսբուքյան էջից