Կորոնավիրուսից շատ ավելի վտանգավոր կլինի Հայաստանի ֆինանսական շուկայում չմտածված ու պոպուլիստական քայլերի գնալը

Պետք է պաշտպանել ինչպես վարկառուների, այնպես էլ ավանդատուների շահերը։ Պաշտպանել վիրուսից առավել տուժած բիզնես–ոլորտների և միաժամանակ բանկերի շահերը։ Պաշտպանել սպառողի ու ստեղծողի շահերը։

Եվ ամենակարևորը՝ պետք է մակրոտնտեսական կայունության ապահովման մասով «ռազմական դրություն» հայտարարել։ Սա մեր երկրի անվտանգության ապահովման թիվ մեկ հարցն է դառնալու առաջիկայում։

Ընդունում եմ, որ բարդ լուծումներ են պահանջվում։ Գիտեմ, որ բոլորին միաժամանակ գոհացնել հնարավոր չէ, բայց նաև գիտեմ, որ ոսկե միջինին հասնելու հնարավորություններ կան։ Գիտականորեն հիմնավորված և ռացիոնալ որոշումների փունջ կա, և այդ փունջը պետք է կիրառել։

Չեմ ուզում նեղ մասնագիտական հարցեր այստեղ քննարկել։ Ֆեյսբուքն այն տեղը չէ։ Բայց հարցի վերաբերյալ ուշադրություն կենտրոնացնելու համար սոցիալական ցանցերը կարևոր հարթակ են։

Եվ վերջում մեկ հռետորական հարց։ Ունի՞ անհրաժեշտ պրոֆեսիոնալիզմ և կոմպետենտություն այս իշխանությունը՝ կառավարելի դարձնելու համար մակրոտնտեսական հնարավոր ռիսկերը և մեղմելու վիրուսով պայմանավորված բացասական շոկերը։

«Պոլիտէկոնոմիա» հետազոտական ինստիտուտի տնօրեն,

Անդրանիկ Թևանյանի ֆեյսբուքյան էջից