Առաջարկում եմ վարկերի տոկոսների մարումը սառեցնել առնվազն 3 ամսով. ԿԲ նախագահին ուղղված գրություն եմ պատրաստել. Էդմոն Մարուքյան. Տեսանյութ
ԱԺ «Լուսավոր Հայաստան» խմբակցության ղեկավար Էդմոն Մարուքյանն առաջարկում է վարկերի տոկոսների մարումը սառեցնել առնվազն 3 ամիս ժամանակով: Այս մասին նա հայտարարեց իր ֆեյսբուքյան էջի ուղիղ եթերում:
«Կորոնավիրուսով պայմանավորված՝ երկիրը կարանտինային ռեժիմի մեջ մտնելուն զուգընթաց, ուզենք, թե` ոչ, տնտեսությունը պետք է համապատասխան վերափոխումների ենթարկվի: Չէի ուզենա, որ դրա արդյունքում որևէ մեկը հայտնվեր բանկերի «սև ցուցակում»: Վարկերը պարտաճանաչ վճարող մարդիկ էլ այս պայմաններում խնդիր են ունենալու, որովհետև այն եկամուտները, որոնք ակնկալվել են, հիմա չեն ստանալու»,-ասաց Մարուքյանը:
Նա տեղեկացրեց, թե ՀՀ Կենտրոնական բանկի նախագահին ուղղված գրություն է պատրաստել, որով առաջարկում է քննարկել այս հարցը և Հայաստանում գործող բոլոր կոմերցիոն բանկերին, ունիվերսալ վարկային կազմակերպություններին հորդորել լուծումներ գտնել, որ առնվազն երեք ամսով բոլոր բիզնես վարկերը սառեցվեն:
Հետևեք մեզ Facebook-ում