Փաշինյանի նյարդերը տեղի են տալիս, գործը հանրաքվեին կարող է չհասնել. Գեղամ Նազարյան. Տեսանյութ
Այսօր արդեն Սերժ Սարգսյանի ու Ռոբերտ Քոչարյանի հետ միասին Փաշինյանի թիրախ, իհարկե առանց անուն տալու դարձավ նաև Լևոն Տեր-Պետրոսյան։ Փաշինյանի այսօր հրապարակած հռչակագրի համաձայն՝ սկսած 1995-ից ժողովրդի կամարտահայտությունը ջարդվել է: Այս մասին «Փաստինֆո»-ի եթերում ասել է քաղաքագետ Գեղամ Նազարյանը:
Բանախոսի կարծիքով՝ գործը ապրիլի 5-ին չի հասնի, քանի որ նույն իշխանությունների բանականությունը կհաղթի և իրենք կհասկանան, որ մի առիթ պետք է գտնեն ու չեղարկեն այս հանրաքվեն փորձելով վերադառնալ ռեալ իրականություն, որտեղ պետք է պայքարել ոչ թե նախկինների, այլ նավթի գների անկման, ռուսական ռուբլու արժեզրկման, Ադրբեջանի ագրեսիվ պահվածքի և մեր պետությանն ուղղակի սպառնացող այլ մարտահրավերների դեմ:
Հաղորդման ընթացքում անդրադարձ է կատարվել նաև ներքաղաքական մի շարք ուշագրավ թեմաների:
Հետևեք մեզ Facebook-ում