Թորոսյան, հրաժարականդ գրի...

Երեկ մարտի 11 ին Ահկ (ВОЗ) գլխավոր տնօրեն Գեբրեյեսուսը` Ժնևում կայացած ճեպազրույցի ժամանակ ,հայտարարել է, որ նոր կորոնավիրուսի տարածումը ձեռք է բերել պանդեմիայի բնույթ:Մարտի 11-ի դրությամբ աշխարհում նոր կորոնավիրուսով վարակվածների ընդհանուր թիվը կազմել է 118 հազար մարդ՝ աշխարհի 114 երկրում:Իսկ Հայաստանի Հանրապետությունում մարտի 11- ի դրությամբ հայտնաբերվել երեք նոր դեպք: Բազմաթիվ զանգեր և նամակներ եմ ստանում մեր հայրենակիցներից ,որոնք հարց են տալիս`ի՞նչ է պանդեմիան: Համաճարակ, ինչը բնորոշվում է վարակիչ հիվանդությունների խիստ տարածմամբ ողջ երկրում, սահմանակից պետությունների տարածքում, երբեմն՝ աշխարհի բազմաթիվ երկրներում: Եվ այսօր ամբողջ աշխարհում իրարանցում է COVID19- ով պայմանավորված, իսկ PR նախարարը դեռ պնդում է, որ «հատուկ միջոցներ» կիրառելու կարիքը չկա, հայտարարում է, որ ձեռք բերովի դեպքեր են և լոկալ տարածում չկա: Լավ, ես չեմ կարողանում հասկանալ այս մարդը իսկապես չի տիրապետում իրավիճակին, կամ էլ մենք այնքան հզոր և զարգացած առողջապահական համակարգ ունենք, որ չենք վախենում վտանգներից: Ըստ համացանցում տարածված լուրերի` լրագրող Վաչիկ Գրիգորյանը ուղիղ եթերով հայտնեց, որ Էջմիածին քաղաքում կորոնավիրուսի ևս մեկ կասկածելի դեպք է հայտնաբերվել: Պարզվում է Էջմիածինում հարսանիքի ժամանակ երեք մարդու ինքնազգացողությունը վատացել է և նրանց «Շտապ օգնության» կանչով տանելուց հետո հայտնաբերվել է COVID19: Մնացած մասնակիցներից դեռ ոչ մի նորություն չկա: Դե, իհարկե , դեռ մոտ օրերս չի լինելու, չէ որ կառավարությունը չի կարող հանրահավաների տեմպը գցել, մենք հո հասարակ ազգ չենք, մենք վախենալու ոչինչ չունենք: Ի՞նչ կարանտին, ի՞նչ պանդեմիա, համ էլ մերը հո չինականը չի, այլ որակով իտալականն է...

Թորոսյան հրաժարականդ գրի...