Փաշինյանը մեկնել էր Բրյուսել՝ քարոզարշավ իրականացնելու
Երեկ տեղի ունեցավ վարչապետ Փաշինյանի աշխատանքային այցը Բրյուսել: Ուշագրավ է, որ այցը կապված չէր եվրոպական որևէ միջոցառման մասնակցության հետ, չուներ բանակցությունների որևէ արդյունք տեղում ամրագրելու կամ նոր կարևոր փուլի մասին միասին բարձրաձայնելու նպատակ: Այցի նպատակը մեկն էր՝ Ապրիլի 5-ին կայանալիք հանրաքվեն:
Եվրոպական գործընկերները վերջին շրջանում սկսեցին մտահոգություններ արտահայտել Սահմանադրական դատարանի դեմ իրականացվող գործողությունների հետ կապված, ինչին հետևեցին եվրոպական երկրների դեսպանների հետ հանդիպումները տարբեր մակարդակներով: Այժմ, արդեն հանրաքվեի նախօրեին, վարչապետը մեկնեց Բրյուսել համոզվելու, որ ԵՄ-ից բացասական արձագանքներ չեն հնչի հանրաքվեից հետո: Դրանով էլ բացատրվում է բոլոր մամլո հաղորդագրություններում ընդգծվող պարբերությունը՝ «Երոպական միությունը շարունակելու է ակտիվորեն համագործակցել և աջակցել մեր երկրին` ժողովրդավարական, այդ թվում` դատաիրավական ոլորտում բարեփոխումները կյանքի կոչելու համար»:
Փաստացի, ոչ միայն ներքաղաքական, այլև արտաքին քաղաքական օրակարգը այսօր ունի միայն մեկ հարց՝ «ՍԴ-ին մերժելը»: Ստացվում է՝ Եվրոպայի հետ չունենք քննարկելու ավելի կարևոր հարցեր: Իսկ թե ինչ գին կվճարի Հայաստանն այս հարցում ԵՄ-ի դրական արձագանքի համար, պարզ կդառնա շատ ավելի ուշ:
Աննա Կարապետյանի ֆեյսբուքյան էջից
Հետևեք մեզ Facebook-ում