Ինչու՞ է «մետրոյի աղջիկն» այդքան վախեցրել Փաշինյանին ու նրա թիմակիցներին

9 Մարտ, 2020 12:17

Դիտել նաև

Դադարեցրեք «Կրեմլի» մասին ֆեյքեր հորինելը․ Զախարովան հերքում է ՌԴ-ի դեմ մեղադրանքները Փաշինյանն անհանգիստ է իր անվտանգության ապահովման համար «Մոսկվան քո արցունքներին կարծես էլ չի հավատում». Էդուարդ Շարմազանով 1 շիշ օղի, 4 տուփ պանիր, 3 հատ երշիկ․ ի՞նչ է նվիրել Մոսկվան Փաշինյանին Չեմ հերքում, որ մայրիկիս եղել են հորդորներ սեփական դիմումի հիման վրա ազատվել․ Նիկոլ Փաշինյանի հետ բանավիճած կնոջ դուստր (տեսանյութ)

Շատերը նկատեցին, որ այդ դեպքից անմիջապես հետո ՀՀ վարչապետ Նիկոլ Փաշինյանի թիմակիցները համախմբված հարձակվեցին այդ աղջկա վրա, նրան մեղադրելով բոլոր մեղքերի մեջ: Էլ անդաստիարակ, էլ անարժանապատիվ, նույնիսկ Փաշինյանի աջակիցներից մեկը հայտարարեց, որ այդ աղջիկը իրականում «քոչարյանական էր»:

Այն, որ Փաշինյանի համար այս աղջկա պահվածքը անսպասելի էր, նշանակում է ոչինչ չասել: Ավելին, Փաշինյանը և նրա կողմնակիցները կարծում են, որ «շարքային քաղաքացիները», ովքեր ընդգրկված չեն քաղաքական թիմերում, չեն կարող լինել Փաշինյանի դեմ: Քանզի վերջինիս քարոզչությունն այն շեշտադրումն է անում, որ «ժողովուրդը չի կարող լինել հեղափոխության դեմ»:

Եվ քանի որ «ժողովուրդը», տվյալ պահին ասոցացվում է Փաշինյանի հետ, նշանակում է նույնիսկ ցանկացած շարքային քաղաքացի պետք է այս կամ այն չափի Փաշինյանի կողմնակիցը լինի:

Այդպես էին մտածում նաև ԽՍՀՄ-ի ղեկավարները, երբ նշում էին, հայտնի լեհական դեպքերի ժամանակ անցած դարի 80-ական թվականներին, որ «բանվորները իրենց դասակարգային շահից ելնելով, չէին կարող հանդես գալ կոմունիստների դեմ»:

Իսկ Ռումինիայի վերջին բռնապետ Չաուշեսկուն այնքան էր համոզված այդ թեզի մեջ, որ երբ ճողոպրում էր, որոշել էր իր պաշտպանությունը գտնել... բանվորների մոտ: Ի դեպ, հենց վերջիններս էլ հանձնեցին այդ մոլորված բռնապետին զինվորականներին, որոնք էլ գնդակահարեցին Չաուշեսկուին և նրա կնոջը, որն իր դուրսպծուկ բնավորության պատճառով նույնպես հասցրել էր ատելության օբյեկտ դառնալ Ռումինայի հանրության մոտ:

Ժողովրդի հետ ասոցացվելը բնորոշ է բոլոր բռնատերերին, qանզի իրենք իրենց միապետական գործողությունները հղում են հենց ժողովրդի վրա, որպեսզի դրանով լեգիտիմացնեն իրեն գործողությունները:

Եվ, ահա, մետրոյի այս երիտասարդ աղջիկը իր պահվածքով, ակամայիս, կազմաքանդեց Փաշինյանի այս կեղծ կերպարը: Դրանով նաև վախ մտցնելով Փաշինյանի թիմակիցների մեջ: Հենց այդ իսկ պատճառով է, որ նրանք շրջաբերական ստանալով, հարձակվեցին այդ աղջկա վրա:

Թարսի պես, նա որևէ քաղաքական թիմում չկար, որ նրա պահվածքը բացատրվեր այդ հանգամանքով: Ինչն էլ ավելի վտանգավոր էր իշխանության համար:

Քանզի դա նշանակում է, որ այդ հասարակ աղջիկը, իր այս քայլով «տեսանելի դարձրեց թագավորի մերկ լինելը»:

Երբ դա կատարեին Փաշինյանի քաղաքական հակառակորդները, դա այդքան էլ տեսանելի չէր լինի:

Ահա, թե ինչու է այդ աղջկա պահվածքը այդ աստիճանի վախեցրել Փաշինյանին և նրա թիմակիցներին:

Դավիթ Մկրտչյան