Փաշինյանը լոռեցիների հետ միայն ձրի նկարվեց, խոսք տվեց, իսկ փոխարենը խնդրեց «Այո» ասել հանրաքվեին. Տեսանյութ

Նիկոլ Փաշինյանի այցը  Լոռի և մարդկանց հետ հանդիպումը ցույց տվեց մեկ բան: Այսօրվա Փաշինյանը էապես տարբերվում էր երկու տարի առաջվա  Նիկոլից: Այսօրվանն իրեն ավելի վստահ էր զգում: Նրան մտահոգում էր իրականում միայն «Այո»-ն, իսկ մարդկանց հոքսերին լսում էր սառը հայացքով: Կարծես սպասում էր, թե, երբ է բաժանելու իր բուկլետները և հեռանալու  մարդկանցից: Նրան  այլևս չէր հետաքրքրում մարդկանց կենցաղային պահանջները, քանզի նա այդ մարդկանցից ստացել է իր իշխանությունը: Եվ հիմա ցանկանում է, որ այդ մարդիկ իրեն տան բացարձակ իշխանություն, որպեսզի նա` Փաշինյանն  ընդանրապես կախված չլինի այդ մարդկանցից:

Հետաքրքիր էր Փաշինյանի միմիկան, շարժուձևը: Նրան բացի իր բուկլետից էլ ոչինչ չէր հետաքրքրում: Մինչդեռ մարդիկ հույս ունեին Փաշինյանին հաղորդել իրենց հոգսերի մասին: Հետաքրքիր էր նաև Փաշինյանի գյուղացու հետ բանավեճը, երբ վերջինս ուզում էր, որ Փաշինյանը օգներ բարելավելու իր տնային պայմանները: Հերիք է նշել, որ հենց այդպիսի մարդիկ ժամանակին աջակցեցին Փաշինյանին իշխանության գալու համար: Հենց այդ մարդկանց անունից է, որ Փաշինյանը սպառնում է նախկիններին հաշվեհարդարով: Բանից պարզվում է, որ  Փաշինյանը շատ լավ էլ գիտի այդ մարդկանց պատկերացումներն ու ցանկությունները: Նախկինների դեմ նրանց քսի տալով`  գալ իշխանության, այսօր նույն Փաշինյանը այդ մարդկանց բացատրում է, որ իրենք իրենց խնդիրները պետք է  լուծեն, այլ ոչ թե հույս ունենան, որ իրենց տեղը Փաշինյանը պիտի այդ խնդիրները լուծի:

Համաձայնվեք, որ շատ հետաքրքիր երկխոսություն էր Փաշինյանի ու այդ գյուղացու միչև: Վերջն էլ է պարզ լինելու, թե ինչպես է ավարտվելու Փաշինյանի և նմանատիպ գյուղացիների փոխադարձ հարաբերությունները:

Արտակ Հակոբյան