Խոշոր ու ողբերգական վթար Իսակովի պողոտայում. ճակատ-ճակատի բախվել են Mercedes-ները. կա1 զոհ, 1 վիրավոր

Հայաստանի ԱԻՆ-ում մարտի 6-ին, ժամը 23:13-ին Ճգնաժամային կառավարման ազգային կենտրոն ահազանգ է ստացվել, որ Երևանի Իսակովի պողոտայում՝ Արգավանդ գյուղի խաչմերուկի մոտակայքում, տեղի է ունեցել ավտովթար՝ հրդեհի բռնկմամբ:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ Իսակովի պողոտայում՝ ոստիկանության ակադեմիայի մոտակայքում, ճակատ ճակատի են բախվել «Mercedes S600» (վարորդ՝ Ռոման Չ., ծնված 1981 թ) և «Mercedes C240» (վարորդ՝ Նարեկ Հ.) մակնիշների ավտոմեքենաները:

Մինչ փրկարարների դեպքի վայր հասնելը՝ վարորդները տեղի ուժերով դուրս են բերվել: «Mercedes C240» մակնիշի ավտոմեքենայի վարորդ Նարեկ Հ.-ն մահացել է, իսկ «Mercedes S600» մակնիշի ավտոմեքենայի վարորդին փրկարարները մոտեցրել են շտապօգնության ավտոմեքենային, ով հոսպիտալացվել է «Շենգավիթ» ԲԿ, որտեղ բժիշկները տուժածի առողջական վիճակը գնահատել են բավարար։

Փրկարարները հոսանքազրկել են ավտոմեքենաները:

Լուսանկարները՝ Shamshyan.com