Քննադատողները Սահմանադրությունը լավ չեն կարդում. Արմեն Սարգսյանը՝ հանրաքվե նշանակելու մասին. Տեսանյութ

Ինձ քննադատողները Սահմանադրությունը լավ չեն կարդում: Այս մասին այսօր Եռաբլուրում լրագրողների հետ զրույցում ասաց ՀՀ նախագահ Արմեն Սարգսյանը` պատասխանելով լրագրողների այն դիտարկումներին, որ սահմանադրական փոփոխությունների հանրաքվեի օր նշանակելու համար իրեն քննադատում են: «Քննադատողները Սահմանադրությունը լավ չեն կարդում, որովհետեւ Սահմանադրության մեջ հստակ գրված է, որը ես ստորագրում եմ ընդամենը Սահմանադրության օրը նշանակելու համար, և եթե ես չստորագրեմ, միևնույն է, հանրաքվեն նշանակվելու է»,-ասաց Արմեն Սարգսյանը: Նրա խոսքով՝ երբ քննադատողները խորապես կարդան, ընկալեն, մտածեն օրվա իրավիճակի մասին, երկրի զարգացման մասին ընդհանրապես, ինքը պատրաստ է քննարկում անցկացնել նրանց հետ: «Ընդ որում, ձեր նշած քննադատողներից շատերին՝ մի մեծ խմբի, հրավիրեցի նախագահական, չեկան»,-եզրափակեց Արմեն Սարգսյանը: