Իշխանությունների համար կորոնավիրուսը կարող է դառնալ հանրաքվեն տապալումից փրկելու միակ միջոցը

Իշխանությունների համար կորոնավիրուսը կարող է դառնալ` հանրաքվեն տապալումից փրկելու միակ միջոցը։ Հակակառավարիչների մոտ հանրաքվեի հետ կապված անհանգստությունն այնքան մեծ է, որ նախօրոք կորոնավիրուսի թեման դարձրել են արդիական, և ամենօրյա հաճախականությամբ սկսել են խոսել վարակված միակ հիվանդի, թեստավորումներ անցնող մարդկանց և թեմայի հետ առնչություն ունեցող այլնի մասին։ Անգամ Իրանի հետ սահմանափակումներն են երկու շաբաթով երկարացրել։ Վստահ եմ, եթե հանկարծ հանրաքվեից մի քանի օր առաջ` հանրության շրջանում նախապես արված հարցումները ցույց տան, որ հանրաքվեն կարող է տապալվել` կորոնավիրուսի հետ կապված խուճապի մակարդակն էապես կբարձրացնեն և կփորձեն դա շահարկելով` չեղարկել հանրաքվեն։ Կարծում եմ` մարտավարությունը ճիշտ են ընտրել, բայց մեկ բան հաշվի չեն առել, որ հանրության մեծ մասը կհասկանա բլեֆը, քանի որ նախընտրական շրջանում այդ թեման օրակարգային դարձնելը խոսում է այն մասին, որ դա հստակ քաղաքական նպատակ կարող է հետապնդել` չբացառելով հնարավոր վարակվածներին։ Մանավանդ, որ ներկա պահին այդ ախտանիշներով հայտնաբերված` ընդամենը մեկ հիվանդ կա, որի մասին տեղեկությունն այդքան էլ համոզիչ չէ, քանզի նա Հայաստան է ժամանել Իրանից և անհայտ է նրա ծագումնաբանությունը` գոնե մեզ համար...

Հ.Գ. Շատ բան չի պահանջվելու Նիկոլ Փաշինյանից։ Ընդամենը մեկ գրառմամբ, որը կխոսի նրա մասին, թե մեծացել է վարակվածների թիվը` կփորձի սեփական իշխանության լծակները մեծացնելու համար նշանակված հանրաքվեն` չեղարկել կամ գոնե հետաձգել...

Արտաշես Ասատրյանի ֆեյսբուքյան էջից