Ծառուկյանը` կորոնավիրուսի դեմ պայքարի մասին. Ո՞նց կարելի էր ըտենց, դա էլ հո տնտեսություն չի, որ չհասկանան, մենակ ուզում են արդարանան. Տեսանյութ

ԲՀԿ առաջնորդ Գագիկ Ծառուկյանը վատ է գնահատում կառավարության ջանքերը՝ ուղղված կորոնավիրուսի պայքարի դեմ:

«Շատ վատ, բոլորս էլ գիտենք՝ արդեն մեկ ամիս է կորոնավիրուսը բոլոր երկրներում տարածվում է, մեկ ամիս առաջ պետք է հանձնարարություն լիներ հիվանդանոցների սեփականատերերին և «ապտեկաներին», որ անպայման ապահովեն անհրաժետ բուժման պարագաները գրիպի վիրուսի դեմ և «մասկաների» հարցը լուծեին: Էսօր եկել մեկ ամիս հետո չոքել ա մեր դուռը և նայում ես «մասկաներ» չկան, դեղորայք չկա», - ասաց նա լրագրողների հետ ճեպազրույցում:

Հարցին, թե արդյոք փորձել է դիմակ ձեռք բերել դեղատնից և չի գտել, Ծառուկյանը կատակեց.

«Ծառուկյանը դրա կարիքը չունի, բարի մարդկանց էդ հիվանդությունը չի կպնում»:

Նա ընդգծեց, որ թեև Պարսկաստանից ՀՀ քաղաքացիների մուտքը հայրենիք պիտի չարգելվեր, բայց անհրաժեշտ էր նրանց համար միանգամից կարանտին սահմանել՝ հաշվի առնելով, որ կորոնավիրուսի նշանները 14 օրվա ընթացքում են ի հայտ գալիս:

«Ո՞նց կարելի էր ըտենց, դա էլ հո տնտեսություն չի, որ չհասկանան այ ձեր ցավը տանեմ, մենակ ուզում են արդարանան: Չի կարելի, ուժեղ մարդը պետք է լուրջ, ճիշտ բանը ընդունի և դա կատարի», - ասաց նա:

Մանրամասները՝ տեսանյութում:

Zham.am