ՏՄՊՊՀ-ն ապրանքների պակասորդի հարցով ուսումնասիրություն պետք է սկսի «Սաս», «Երևան Սիթի», «Զովք» և այլ ցանցերում. Պարսյան
Խանութներում ապրանքների պակասորդի մասին․․․․
Վերջին ժամերի ընթացքում հանրությունը ներկայացնում է փաստեր, որ խոշոր առևտրային ցանցերում բացակայում են առաջին անհրաժեշտության մի շարք ապրանքներ(ոսպ, բրինձ, մակարոն և այլն), ինչը կանխատեսելի տնտեսական երևույթ է և բնորոշ է կորոնա վիրուսով վարակված բոլոր երկրներին։ Չնայած բազմաթիվ կոչերին՝ տնտեսությունը նախապատրաստելուն ուղղված քայլերը բացակայում են։ Ինչևէ, ունենք, այնինչ ունենք։ Եվ այս իրավիճակում մնում է միայն հետևանքների արձանագրումը և օրենքը խախտողներին պատասխանատվության ենթարկելը, որից հասարակական կորուստը չի փոխհատուցվի։ «Տնտեսական մրցակցության պաշտպանության մասին» ՀՀ օրենքի համաձայն՝ գերիշխող դիրքի չարաշահում է համարվում ի վնաս սպառողի շահերի ապրանքների ներկրման կամ արտադրության չհիմնավորված կրճատումը կամ ապրանքները պահելու, փչացնելու, ոչնչացնելու միջոցով ապրանքային շուկայում ՊԱԿԱՍՈՐԴԻ ստեղծումը կամ պահպանումը։ Առևտրային ցանցը (սուպերմարկետների ցանցը) համարվում է գերիշխող դիրք ունեցող, եթե հանդիսանում է չորս կամ ավելի առևտրային օբյեկտների համախումբ։ Հետևաբար, ՀՀ տնտեսական մրցակցության պաշտպանության պետական հանձնաժողովը առաջին անհրաժեշտության ապրանքների պակասորդի վերաբերյալ շատ արագ ուսումնասիրություն պետք է սկսի Սաս, Երևան Սիթի, Զովք, 4 և ավել խանութներ ունեցող սուպերմարկետների ցանցերի վերաբերյալ։
Սուրեն Պարսյանի ֆեյսբուքյան էջից
Հետևեք մեզ Facebook-ում