Փաշինյանի թիմակցի լրատվականը հայերին մեղադրում է ադրբեջանցիների ցեղասպանություն իրականացնելու մեջ

Վերջին մի քանի շաբաթներին ռուսական տարբեր լրատվամիջոցներում հայտնվում են պատվիրված հոդվածներ, որոնք կեղծում են 1992 թվականին ադրբեջանաբնակ Խոջալու բնակավայրում տեղի ունեցածը և այն ներկայացնում են հայերի կողմից իրականցված «ցեղասպանություն»։  Հրապարակումներն այնքան լկտի էին, որ ՌԴ-ում Հայաստանի դեսպան Վարդան Տողանյանը հայտարարել է, որ այդ հոդվածների առնչությամբ դիմել է Ռուսաստանի գլխավոր դատախազություն։

Մինչ ՌԴ-ում Հայաստանի դեսպանը և հայկական կազմա

կերպությունները փորձում են հակազդել ադրբեջանական հակահայ քարոզչությանը, Հայաստանում Նիկոլ Փաշինյանի թիմակից, իշխանությունների աջակցությամբ ՀՖՖ նախագահ դարձած Արմեն Մելիքբեկյանի հիմնած epress.am լրատվականը վերահրապարակում է Խոջալուի դեպքերի մասին հրապարակումներ, որոնք ակնհայտ ադրբեջանական հակահայ քարոզչամեքենայի մտքի արգասիք են։ 

Կայքի «խմբագրի ընտրություն» խորագրի ներքո հայտնված բոլոր հոդվածներն այդ դեպքերի մասին տարբեր ժամանակների հրապարակումներ են։

«Խոջալուն և Սումգայիթը՝ խաղաղության հասնելու միջոց. թուրք պատգամավոր» վերտառությամբ հոդվածում ներկայացվում է Թուրքիայի պառլամենտի պատգամավոր Կարո Փալյանի հետ հարցազրույցը, որում պատգամավորը նշում է, որ «27 տարի ադրբեջանցի ժողովուրդը սպասում է արդարության»։

«Ինչպես են հորինում «Սումգայիթն» ու «Խոջալուն» վերտառությամբ հոդվածում լրատվականը հավասարության նշան է դնում Սումգայիթի և Խոջալուի դեպքերի միջև։ Այս պնդումը շարունակվում է «Սումգայիթ և Խոջալու. Լածիրակներ Հայաստանում էլ, Ադրբեջանում էլ շատ են» վերտառությամբ հոդվածում։ Այս հոդվածում լրատվականը 2012 թվականին խոսել է իրավապաշտպան Միքայել Դանիելյանի հետ ով հավասարության նշան է դրել կատարվածի մեջ և ըստ էության հաստատել ադրբեջանական քարոզչամեքենայի այն պնդումը, թե Խոջալուի սպանությունները հայկական կողմի ձեռքի գործն են։

Politik.am