Ինչքանո՞վ է բարոյական կորոնավիրուսի վերաբերյալ այդ կարևոր կետը չներառել ուղեցույցի մեջ ու վաղը մարդկանց կանչել քայլերթի

Երկրի վարչապետն ու առողջապահության նախարարը ուղեցույց են տարածում, թե ինչպես պաշտպանվել կորոնավիրուսից, նշում են, որ դրա գաղտնի շրջանը 2 շաբաթ է, հետո հորդորում են չշփվել շնչառական վարակներ ունեցող անձանց հետ, իսկ վերջում, երկրի վարչապետը մարտի 1-ին բոլորին հրավիրում է քայլերթի՝ ձեռի հետ էլ ստուգելով իր վարկանիշը։

Սիրելի հպարտներ, էս վիրուսի խնդիրն ամբողջ աշխարհում էն ա, որ դա ունի գաղտնի շրջան, երբեմն 20 օր տևողությամբ, որի ընթացքում վիրուսակիրը իրեն շատ վատ չի զգում, բայց լուրջ վարակում է կողքիններին, ու նման դեպքերից խուսափելու միակ տարբերակը մարդաշատ վայրերից ու մարդկանց կուտակումներից հեռու մնալն է (դպրոց, առևտրի կենտրոն, հավաքներ, երթեր, կինոթատրոն, թատրոն, փակ ու մարդաշատ այլ հաստատություններ)։ Արտասահմանյան բոլոր ուղեցույցներում այդ կետը առկա է, ու ոչ միայն կետ է, այլև ակտիվ կիրառվում է արդեն իսկ վարակակիրներ ունեցող երկրներում: Իրանում անգամ խորհրդարանի աշխատանքն են դադարեցրել...

Հիմա ինչքանո՞վ ա բարոյական այդ կետը չներառել ձեր ուղեցույցների մեջ ու վաղը մարդկանց կանչել հավաքի, այ հպարտ պոպուլիստներ։

Արամ Գևորգյանի ֆեյսբուքյան էջից