Աշխարհահռչակ դաշնակահարն ամուսանացել է հայուհու հետ

Աշխարհահռչակ դաշնակահար, վիրտուոզ 45-ամյա Եվգենի Կիսինն ամուսնացել է հայուհի Կարինե Արզումանովայի հետ: Կարինեն բնակվում է Պրահայում, որտեղ էլ տեղի է ունեցել զույգի հարսանիքը: Տեղեկացնում է wnews.am-ը:

Եվգենի և Կարինե զույգն իրար ճանաչում է մանուկ հասակից, սակայն ճակատագիրը տարբեր ուղղություններով տարավ նրանց: Կարինեն արդեն մեկ անգամ ամուսնացել է, ունի երեք որդի:

Եվգենի Կիսինը միջազգային ուշադրության է արժանացել 1984 թվականի մարտին, տասներկու տարեկան հասակում, կատարելով Շոպենի Դաշնամուրի թիվ 1 և 2 կոնցերտները Մոսկվայի կոնսերվատորիայի մեծ դահլիճում, պետական ֆիլհարմոնիկ նվագախմբի դիրիժոր Դմիտրի Կիտաենկոյի ղեկավարությամբ ։

2012 թվականին ՀՀ Նախագահի հրամանագրով պարգևատրվել է Պատվո շքանշանով:

Հարսանքիը տեղի է ունեցել մարտի 10-ին: