Նախօրեին Իդլիբում 13 թուրք զինվոր է սպանվել. Էրդողանը սպառնում է փակել Բոսֆորը

Թուրք հայտնի վերլուծաբան Մուհարրեմ Սարիկայը  «HaberTürk» հեռուստաընկերության ուղիղ եթերում հայտարարել է, որ ունի հստակ  տեղեկություն, որ,  եթե մարտի 5-ի հանդիպման ընթացքում Էրդողանն ու Պուտինը ընդանուր հայտարարի չգան, ապա Թուրքիան միանշանակ որոշում կկայացնի փակել  Բոսֆորի նեղուցը ռուսական ռազմական նավերի համար: Այս հանգամանքը պայմանավորված է նրանով, որ նախօրեին սիրիական բանակի ռմբակոծումների արդյունքում սպանվել է 13 թուրք զինվոր, որի մասին պաշտոնապես դեռ հրապարակում չկա, որպեսզի թուրքական հանրության մեջ զայրույթ չառաջանա, որն իր հերթին կարող է խափանման պատճառ դառնալ մարտի 5-ի հանդիպման համար:

Ըստ թուրք վերլուծաբանի՝  Էրդողանը հայտնելով այս հանդիպման մասին հատուկ  նշում է, որ Իդլիբի շուրջ կատարվածը կարելի  է համարել պատերազմ: Իսկ նման ձևակերպումը պետք է Էրդողանին, որպեսզի նա կարողանա հիմնավորել, թե ինչու է փակում Բոսֆորի նեղուցը:

Հիշեցնենք, որ Մոնտրեոյի կոնվենցիայի 20 և 21 կետերի համաձայն «...պատերազմի դեպքում, որտեղ ներքաշված կլինի նաև Թուրքիան,  իրավունք ունի ժամանակավորապես փակել Բոսֆորի նեղուցը ռազմական նավերի համար...»:

Zham.am