Տարվա 10 լավագույն մարզիկներից յուրաքանչյուրը պարգևատրվել է 5 մլն դրամով. Լուսանկարներ

21 Փետրվար, 2020 15:00

Դիտել նաև

Արթուր Հովհաննիսյանի տան վարձը պետբյուջեից է վճարվել «Թույլ չենք տալու խաղահրապարակի տեղում 18-հարկանի շենքեր կառուցել»․ Արթուր Չախոյան Ինչո՞ւ ինչ-որ միջազգային կազմակերպություն պետք է պարեկի մեր երկրով անցնող, կոնֆլիկտավտանգ ճանապարհը․ Խաչատրյան «Nike-ի զեղչի քարտով ո՞նց կարելի է պատրաստվել ահաբեկչության»․ Արթուր Սուքոյան Արթուր Սարգսյանը կալանավորվեց 2 ամսով

ՀՀ կառավարությունը որոշել է 2019 թվականի դեկտեմբերի 25-ին կայացած «Տարվա 10 լավագույն մարզիկներ» մրցույթի արդյունքում լավագույնը ճանաչված 10 մարզիկներից յուրաքանչյուրին պարգևատրել 5 մլն դրամով:

Վարչապետ Նիկոլ Փաշինյանը, շնորհավորելով ներկաներին, խոսեց Հայաստանի զարգացման ռազմավարության տեսլականում սպորտի առանձնահատկությունից.

«Մենք հիմա մշակում ենք Հայաստանի մինչև 2050-ի զարգացման ռազմավարությունը և այդ զարգացման տեսլականի մեջ առանձնահատուկ տեղ ենք տալիս սպորտին՝ արձանագրելով մեր ազգային և պետական նպատակը՝ մինչև 2050-ը ունենալ առնվազն 25 օլիմպիական ոսկե մեդալ: Իհարկե, շատերին այս նշաձողը թվում է չափազանց բարձր, բայց դա ոչ թե մեզ հուսահատեցնում է, այլ ընդհակառակը՝ ոգևորում, որովհետև չեմպիոն լինելու համար կա մի շատ կարևոր նախապայման. տրամադրված լինել անել ոչ թե այն, ինչ հնարավոր է, այլ տրամադրված լինել անել այն, ինչ անհնար է»,- ասաց նիկոլ Փաշինյանը:

Պարգևներ հանձնվեցին հունահռոմեական ոճի ըմբիշներ Արթուր Ալեքսանյանին, Սլավիկ Գասպարյանին, ծանրամարտիկներ Ռուբեն Ալեքսանյանին, Սիմոն Մարտիրոսյանին, Գոռ Մինասյանին, Հակոբ Մկրտչյանին, մարմնամարզիկ Արթուր Ավետիսյանին, բռնցքամարտիկ Հովհաննես Բաչկովին, սամբիստ Տիգրան Կիրակոսյանին և ազատ ոճի ըմբիշ Արսեն Հարությունյանին:

«Մարզիկի համար շատ կարևոր է ուշադրությունը, հատկապես վարչապետի ու նախագահի կողմից, ինչի համար շատ շնորհակալ ենք նրանցից, դա մեզ ավելի է մոտիվացնում և ավելի պարտավորեցնող է դարձնում»,- ասաց հունահռոմեական ըմբշամարտի Եվրոպայի հնգակի չեմպիոն Արթուր Ալեքսանյանը:

«Նման միջոցառումները ոգևորում են ու զգում ես, որ քո արած արդյունքը զուր չի անեցել ու քո պետությունը գնահատում է քո արդյունքը: Սա պարտավորեցնում է, որ մենք օլիմպիական տարում ձգտենք ավելի մեծ արդյունքների»,- նշեց ծանրամարտի աշխարհի փոխչեմպիոն Գոռ Մինասյանը: