«Մեկ ա՝ ես միշտ 1000 դրամի եմ լցնում». Փաշինյանն անեկդոտ հիշեց
Կառավարության նիստում վարչապետն անդրադարձավ էներգախնայողության թեմային ու այն հանրությանն առավել հասանելի դարձնելու համար, անեկդոտ հիշեց.
«Ասում են՝ բենզինը թանկացել ա, պատասխանում ա՝ ոչինչ, մեկ ա՝ ես միշտ 1000 դրամի եմ լցնում... Էներգախնայողությունն էս անեկդոտի թեման լրջացնելու մասին է: ՀՀ քաղաքացիները, մենք բոլորս մեր աշխատավայրերի, տների տաքացման ու հովացման համար ծախսում ենք X գումար ու այն կարող է նվազեցվել որոշակի թվով, եթե լուրջ ներդրումներ անենք էներգախնայողության համար: Եթե բնակարանի ջեռուցման համար ծախսում ենք ասենք՝ 1000 դրամ, ջերմախնայողության ներդրում անելու պարագայում կծախսենք 700 դրամ ու օրինակ էներգակիրների հնարավոր թանկացումները լուրջ ազդեցություն չեն ունենա մեր բյուջեի վրա»,- ասաց վարչապետ Նիկոլ Փաշինյանը:
Փոխվարչապետ Մհեր Գրիգորյանն անդրադարձավ այդ ուղղությամբ իրականացվող ծրագրերին:
Հետևեք մեզ Facebook-ում