Ավելի ու ավելի ցայտուն են դարձել մեր կուսակցության կողմից գլխավորվող իշխանության վարքագիծը, գոյություն չունեցող կամ անընդունելի գաղափարներն ու սկզբունքները
Հարգելի Պրն. Վարչապետ.
Քանի որ նախաձեռնող խնբի նիստ տեղի չունեցավ որպեսզի տեղյակ պահեմ Ձեզ իմ որոշման մասին՝ ինչպես նաև՝ կարևորելով հրապարակայնության տարրը՝ ստիպված եմ այսպես և բաց կերպով հայտնել իմ որոշումը:
Վերջին մեկ տարում ավելի ու ավելի ցայտուն են դարձել մեր կուսակցության կողմից գլխավորվող իշխանության վարքագիծը, գոյություն չունեցող կամ անընդունելի գաղափարներն ու սկզբունքները, ինչպես նաև մոտեցումները: Իմ համոզմամաբ՝ դրանք այլևս վաղուց չեն համապատասխանում այն կուսակցության հռչակված գաղափարախոսությանն ու սկզբունքայնությանը որին ես հավատալով՝ անդամագրվել եմ դեռ 2017թ.-ին և այդ օրերից սկսած՝ արել եմ ամնը ինչ ինչը կախված է եղել ինձանից Քաղաքացիական Պայմանագրի Վարդենիսի տարածքային կառույցի կայացման համար։ Ելնելով վերոնշյալ իրողություններից և ստեղծված իրավիճակից, ինչպես նաև կուսակցության՝ իր հռչակած կուրսից և արժեքներից մեծապես շեղման հանգամանքից՝ ես այլևս չեմ կարող լռել, և չեմ կարող շարունակել իմ անդամակցությունը կուսակցությանն՝ ինձ պահելով այնպես՝ կարծես թե ոչինչ չեմ նկատում և ոչինչ չի կատարվում: Գիտեմ, որ համաձայն վերջին շրջանում ձևավորված ավանդույթի՝ ինձ մեղադրելու են «պաշտոն չստանալու», «աբիժնիկ» լինելու և կամ ինչ-որ մեկ այլ հնարովի, բայց իբրև թե վարկաբեկող այլ նմանատիպ բաների մեջ, բայց ձայն բարձրացնող այլ սթափ կուսակցականների և ոչ կուսակցականների հանդեպ նման վիրավորանքն էլ մաս է կազմում մեր կուսակցության ներկայիս մոտեցումներին։
Դա էլ ինձ չի կարող ետ պահել իմ խղճի ձայնը լսելուց: Ստեղծված մթնոլորտից և իրավիճակից դուրս գալու միայն մեկ տարբերակ է մնացել. հեռանալ Քաղաքացիական Պայմանագիր կուսակցությունից:
Այն ինչ մենք արել ենք երկու հազար տասնութ թվականի մարտ-մայիս ամիսներին՝ արժանի է մեծ գնահատանքի և կմնա պատմության մեջ: Այն՝ ինչ մենք արել ենք և ինչը մենք վերափոխվել ենք դրանից հետո՝ իմ պատկերացումներով չի տեղավորվում այն արժեքների շրջանակներում, որոնք մենք հռչակել էինք: Եվ դրա պատասխանատու՝ որպես երկրի և կուսակցության միանձնյա ղեկավար՝ ես Ձեզ եմ համարում Պրն. վարչապետ: Ձեզ եմ համարում նաև հիմնական պատասխանատուն մեր կուսակցական ակտիվի մի մասի լռելյայն հիասթափության համար, որովհետև Ձեր շեղումը Ձեր հռչակած արժեքներից և խոստացված վարքագծից՝ ահռելի է, իսկ Ձեր առաջացրած հիասթափությունը՝ անտանելի:
Կուսակցության, նրա ղեկավարության որակի անկման և անթույլատրելի վարքագծի պատասխանատվությունն այլևս կիսել Ձեզ հետ ես չեմ կարող և չեմ ցանկանում:
Պրն. Վարչապետ. կուսակցականներին հիասթափեցնել Դուք գուցեև կարող էիք, բայց ժողովրդի գիտակից հատվածին հիասթափեցնելու և հուսախաբ անելու ճանապարհ Դուք չպետք է բռնեիք:
Հեռանալով՝ ամեն դեպքում աջողություն եմ մաղթում Ձեզ՝ ի շահ մեր ժողովրդի և երկրի:
Էդգար Պետրոսյանի ֆեյսբուքյան էջից:
Հետևեք մեզ Facebook-ում