Օձունում քաշքշել են ՕՐՕ դաշինքի անդամներին՝ խոչընդոտելով քարոզարշավ իրականացնելուն. Ստեփան Մարգարյան

Օձուն գյուղում նախընտրական քարոզարշավ իրականացնելու նպատակով  գտնվող «Օհանյան-Րաֆֆի-Օսկանյան»  դաշինքի անդամները հարձակման են ենթարկվել: 

Դեպքի մանրամասները պարզելու համար Zham.am-ը կապ հաստատեց «Օհանյան-Րաֆֆի-Օսկանյան»  դաշինքի անդամ, ՀԱՄԱԽՄԲՈւՄ կուսակցության փոխնախագահ Ստեփան Մարգարյանի հետ:

- Օձունում քարոզարշավի ժամանակ մի խումբ մարդիկ փորձել են խանգարել, քաշքշել են դաշինքի՝ քարոզ իրականացնող անդամներին: Ամեն կերպ խոչընդոտել են նրանց: Բնականաբար, ոտիկանություն ենք դիմել... Իրականությունն այն է, որ քաշքշել են և թույլ չեն տվել մտնել գյուղ, - պարզաբանեց Ստեփան Մարգարյանը, նշելով, որ դաշինքի ներկայացուցիչների հետ եղել է նաև Ազատ Արշակյանը:

Այն ճշտմանը, թե ովքեր էին դաշինքի անդամների նկատմամբ ոտնձգություն իրականացնողները, Ստեփան Մարգարյանը պատասխանեց, որ նրանք չներկայացան:

Zham.am