Փաշինյանը «Այո»-ի համար «List.am»-ից էլ կարող է մարդ փնտրի. Տեսանյութ

Անկեղծ ասաց չէինք պատկերացնի, որ այս իշխանությունները այս չափի լկտի են: Նրանց չի հետաքրքրում Ղարաբաղը, երկրի տնտեսությունը, մարդկանց սոցիալական կյանքը, երկրի վարկանիշը: Պարզվում է՝ նրանց հետաքրքրում է միայն «Այո»-ն: Այսինքն՝  սրանք մեր ժողովուրդին արդեն բացեբաց են մեխի գլխի տեղ դրել: Իրենց բոլոր մրցույթները անցկացնում են գաղտնի, խոսում են նախկինների թալանի մասին և կրկնակի են մխրճվում նույն թալանի մեջ: Իսկ ահա «Այո»-ի հարցում որոշել են մի ուրիշ ձևի «թափանցիկ» լինել ինչպես կինը քնելուց առաջ:

Եվ ահա, բոլոր գործերը թողած Փաշինյանին  հետաքրքրում է «Այո բրենդինգի բաց մրցույթ»:

Ավելին՝ Փաշինյանը անձամբ է խոստանում պարգևավճարներ այս մրցույթի համար: Նա իր ֆեյսբուքյան էջում հետևյալ գրառումն է կատարել. «...1-ին տեղը հաղթողը կստանա 3 մլն դրամ  2-րդ տեղը՝  2 մլն, իսկ 3-րդ տեղը՝  1 մլն դրամ»: Հատուկ ուզում ենք շեշտել, որ այս ամենը վատ երգ չէ, և ոչ էլ սև PR: Սա այն դառը իրականությունն է, որտեղ գտնվում ենք նաև մենք: Այո,  երկրի ղեկավարին առավել հետաքրքրում է այս ամենը, իսկ Ղարաբաղը, երկրի տնտեսական հեղափոխությունը դրանք երկրորդական բաներ են:

Սակայն այս ամենի համար միայն ինքը մեղավոր չէ: Մենք ենք մեղավոր, որ թույլ են տվել այս աստիճանի ծաղրել մեզ:

Սա է իրականությունը:

Դավիթ Մկրտչյան