Փաշինյանի «Մյունհենյան սկզբունքները» բաժակաճառ է, այլ ոչ թե նոր դիվանագիտական խոսք. Տեսանյութ

Մյունհենյան շոուից հետո, որտեղ Փաշինյանի խայտառակ  անպատրաստվածությունը   տեսանելի դարձավ նույնիսկ իր կողմնակիցների համար՝ ծանր վիճակի մեջ գցելով  ներկայիս իշխանություններին: Եվ ահա, որպեսզի շտկվի իրավիճակը,  Փաշինյանը որոշեց հանդես գալ հերթական պոպուլիստական քայլով: Նա հայտարարեց իր՝ Ղարաբաղյան խնդրի կարգավորման այսպես կոչված « Մյունհենյան սկզբունքները»-ի մասին: Հավանաբար Փաշինյանը իր կողմնակիցներին ցուցում կտա սկսել քարոզել այն, որպեսզի ինչ -որ կերպ ստվերվի իր պահվածքը  Մյունհենում:

Սակայն նրա այս հերթական պոպուլիստական քայլը բոլորը գնահատելու են, որպես՝  «դիվանագիտական ոլորտի հանրահավաք»:

Նախ սկսենք նրանից, որ իր վեց կետերը լոկ  հիշեցնում են  բաժակաճառ: Բացի այդ արդեն բոլորի համար էլ պարզ է, որ նա փորձում է դուրս գալ այս խայտառակ իրավիճակից՝ փորձելով կախվել փրփուռներից: Այն, որ իր այդ «սկզբունքները» միայն իրեն են հայտնի և աշխարում դրա մասին ոչ ոք չգիտի հասկացել են նույնիսկ վերջին «պողոսը»: Ավելին՝ այդ սկզբունքների մեջ որևէ բովանդակություն չկան: Չի կարելի, օրինակ, հայտարարել, որ «պետք է լավ աշխատել, որ երկիրը զարգանա» եզրույթը երկրի տնտեսության ծրագիր է,  կամ,  երբ վարչապետը նշում է, որ «այս խնդիրը պետք է լուծվի երեք կողմերի շահերի համադրությամբ» դրանով նա ժպիտ է առաջացնում միջնորդների մոտ, քանզի կարծես Փաշինյանը ուզում է նրանց հացը «կտրել»:

Ցավոք Փաշինյանի խոսքերն արդեն ոչ միայն Մամեդյարովի ծիծաղն է առաջացնում, այլ առնվազն ժպիտ է առաջացնում Մյունհենում, Մոսկվայում, Վաշինգտոնում, Փարիզում... Արդեն բոլորի համար պարզ է, թե ով է իրականում Փաշինյանը:

Սա է իրականությունը:

Դավիթ Մկրտչյան