Սա բացահայտ ու լկտի հարձակում է մամուլի և խոսքի ազատության վրա. Նարեկ Սամսոնյանը որպես մեղադրյալ է ներգրավվել «սուտ մատնության» գործով

«Քաղաքացիական գիտակցություն» ՀԿ նախագահ Նարեկ Սամսոնյանը ֆեյսբուքյան գրառմամբ տեղեկացնում է, որ Հատուկ քննչական ծառայությունից ծանուցագիր է ստացել, որ սուտ մատնության գործով ներգրավվել է որպես մեղադրալ և կանչվել ՀՔԾ։

«Ինչպես և սպասվում էր ՀՔԾ-ն ինձ որպես մեղադրյալ ներգրավեց

Տուն գալով պարզեցի, որ ՀՔԾ կողմից ծանուցում ունեմ և որպես մեղադրյալ ներգրավված եմ «սուտ մատնության» գործով: Անկեղծ ասած էս զարգացումն ամենասպասելին էր և ամենաանհեռանկարը իշխանությունների համար, բայց Նիկոլը գնաց սրան: Ի դեպ, այս գործը նույն քննիչի մոտ է, որն ինձ սպառնացել էր, որ դատելու է: Սա բացահայտ ու լկտի հարձակում է ՄԱՄՈՒԼԻ և խոսքի ազատության վրա, այս քայլով Նիկոլը մեզ մոտեցնում է հարևան պետությանը, իսկ իրեն` իր սիրելի կիրթ անձնավորությանը, բայց դե ինքն ա ընտրել էս ուղին:

Վաղը ժամը 13:00-ին կլինեմ ՀՔԾ-ում, սիրով կպատասխանեմ նաև ԶԼՄ-ների հարցերին: Տեղի ունեցողի մասին ավելի համապարփակ կարծիք կհայտնեմ վաղը, իսկ հիմա միայն ասեմ, որ Հայաստանում չի կարող գտնվել գեթ 1 մարդ ով կարող է կասկածել, որ սույն աբսուրդը քաղաքական հետապնդում է»,– գրել է Նարեկ Սամսոնյանը՝ հավելելով, որ հատուկ էս սրանով իրեն տասնապատիկ ավել ստիմուլ են տալիս:

«Դուք պատրաստ եղեք դաժան պայքարի, իսկ դրանից հետո դատվելու` էս ամեն ինչի համար»,– հավելել է նա և գրառմանը կից ներկայացրել ծանուցագրի լուսանկարը: