Իշխանությունների տարանջատման սկզբունքը ոտնահարվում է խայտառակ ձևով. Լուսիեն Սահակյան. Տեսանյութ

23 տարվա պրակտիկայով հանդերձ՝ չէի կարող պատկերացնել, որ մի օր կհայտնվենք իրավական անվտանգութան լուրջ խնդրի առջև, «Սահմանադրական անվտանգություն․ մարտահրավերներ և լուծումներ» խորագրով քննարկմանն ասաց փաստաբան Լուսինե Սահակյանը։

Նրա համոզմամբ՝ իշխանության մաս կազմող անձինք անգամ հասկանում են, որ իրենք հակասահմանադրական ուղիով են ընթանում։

«Երկրի կայուն զարգացման համար պարտադիր նախապայման է իրավական անվտանգությունը։ ՀՀ քաղաքացին պետք է գիտակցի, որ ինքը քվեարկում է անվտանգ երկիր ունենալ-չունենալու համար։ Քաղաքացին գնում է «ոչ» ասելու անկախ Սահմանադրական դատարանին։ Այս ամբողջը տանում է նրան, որ կորցնում ենք մեր պետությունը։ Իշխանությունների տարանջատման սկզբունքը ոտնահարվում է խայտառակ ձևով։ Մի քանի անկախ դատավորների ցանկանում են դարձնել իրենցը, նրանց բոլորին իրենց կամքին ենթարկել», - ասաց բանախոսը։

Լուսինե Սահակյանի խոսքով՝ պետք է առաջնային խնդիր լինի քաղաքացիներին հասկացնելը, որ հանրաքվեին մասնակցելով՝ չի որոշվելու՝ իրենք «ս՞և» են, թե՞ «սպիտակ», «կո՞ղմ», թե՞ «դեմ» են Նիկոլ Փաշինյանին։

Մանրամասները՝ NEWS.am-ի տեսանյութում: