Սերժ Սարգսյանի հովանավորյալը սպառնում է հայ կնոջը, ասում, որ ինքն իր երեխայի վրա լացելու է (տեսանյութ)
Այս կինը Ջրառատում տուժած երեխայի մայրն է։ Նա պատմեց իրականությունը, որ հանրապետականները փորձում են թաքցնել, այս վեճին տալով կենղաղային բնույթ։ Այո, պատճառը քաղաքական էր․Երանոսյաններին դուր չի եկել, որ այս մարդիկ մասնակցել են «Օհանյան-Րաֆֆի-Օսկանյան» դաշինքի հավաքին։ Երանոսյանները մտածում են, թե Ջրառատն իրենց գյուղն է․ և զարմանալու բան չկա, Սերժ Սարգսյանը նրանց տվել է այդ արտոնությունը որ ինչ ուզեն անեն, դե նրանք էլ անում են, միայն թե դրանց մոտ միայն վատ բան անելն է լավ ստացվում։
Մինչև վերջ նայեք ու տեսեք Սերժ Սարգսյանի դեմքը․ նրա հովանավորյալը սպառնում է հայ կնոջը, ասում, որ ինքն իր երեխայի վրա լացելու է։ Ես չեմ պատկերացնում, մարդ ինչ աստիճանի տականք պետք է լինի, որ հայ կնոջը նման բան ասի։ Իսկ այս մարդը իբր Ազատամարտի մասնակից է, ոստիկանության գնդապետ։ Ահա թե ինչ ապահով Հայաստան է պատրաստում մեզ համար Սերժ Սարգսյանը։
Մենք այս խայտառակությանը պետք է վերջ դնենք։ Հիմա Սերժ Սարգսյանի թիմը փորձում է կոծկել Երանոսյան եղբայրների հերթական հանցանքը։ Մեր պարտքն է թույլ չտալ, որ այս անգամ էլ մարսենք․․․Երանոսյանները Սերժ Սարգսյանի կույր զենքն են և իզուր եք մտածում, որ եթե ձայն չհանեք, վաղը նրանք ձեր դուռը չեն գալու։
Թուրքը որ թուրք ա, ես նրանցից երբեք չեմ լսել, որ սպառնան հայ մայրերին, թե նրանք լացելու են իրենց երեխաների վրա․․․դա կարող են անել միայն Երանոսյանի պես անհայրենիք մարդիկ, որոնց համար սրբություն չկա։ Նրանց միակ սրբությունը Սերժ Սարգսյանն է, քանզի առանց նրա չեն լինի նաև նրանք։
Այս դեպքը, այս կնոջ խոսքերը և մեր ոստիկանության անգործությունը ապացուցում են, որ անպատժելիությունը որոշ «արտոնյալների» համար պահպանվելու է, Սերժ Սարգսյանն էլ նույն այն Սերժ Սարգսյանն է, ով 10 անմեղ զոհերի գնով եկավ իշխանության և հիմա էլ հանուն այդ իշխանության պատրաստ է նոր զոհերի։
Այսօր վարչապետն էլ հայտարարութուն տարածեց, թե բա բռնությունն անթույլատրելի է և այլն և այլն, և որ մեղավորները կպատժվեն։ Դե հենա՝ մարդը մատնացույց է անում մեղավորին, իսկ այդ մեղավորն իր բանդայի հետ՝ զենքները ձեռքին մինչ օրս էլ ազատ շրջում են ու նոր զոհեր փնտրում։ Սա նաև ցույց է տալիս, որ Կարեն Կարապետյանն՝ իր «բարձր վարկանիշով» հանդերձ կարող է ճիշտ այնքան, որքան նրան թույլ է տալիս Սերժ Սարգսյանը։ Իսկ Սերժ Սարգսյանը երբեք թույլ չի տա Երանոսյաններին մեկը նեղացնի, էլ ուր մնաց՝ պատասխանատվության ենթարկի։ Եվ սա այն բանից չէ, որ դրանց շատ է սիրում, պարզապես իրականում Հայաստանում շատ քիչ են մարդիկ, որ Սերժ Սարգսյանի համար երեխայի աչք կհանեն, աղջկա վրա նռնակ կնետեն ու դպրոցականի ձեռք կկոտրեն։ Երանոսյանները հենց դրանով են անփոխարինելի։
Հրանտ Ենոքյանի ՖԲ էջից
Հետևեք մեզ Facebook-ում