Քայլի Ջեների գայթակղիչ տեսքը Բեյոնսեի և Ջեյ Զիի հետօսկարյան խնջույքին. Տեսանյութ

Աշխարհի ամենաերիտասարդ միլիարդատիրուհի Քայլի Ջեները մասնակցել է երգչուհի Բեյոնսեի և ռեփեր Ջեյ Զիի՝ «Օսկար» կինոմրցանակաբաշխության կապակցությամբ կազմակերպած աստղային խնջույքին: Փոխանցում է Tert.am-ը:

Ինչպես նշում է Daily Mail-ը, 22-ամյա գեղեցկուհու շլացուցիչ տեսքն ապահովել է խոր գրգռաճեղքով ալ կարմիր զգեստը, որն ընդգծել է Ջեների բարեմասնությունները:

Ջեները Vivienne Westwood բրենդի երեկոյան զգեստը համադրել է ադամանդյա ճոխ զարդերի հետ:

Երիտասարդ միլիարդատիրուհին իր ինստագրամյան էջում միջոցառումից մի քանի լուսանկար է հրապարակել՝ նշելով, որ շատ է հավանում այս զգեստը: Հատկանշական է, որ «սթորիզ» բաժնում արված հրապարակումներից մեկում նա իր երեխայի հոր՝ ռեփեր Թրևիս Սքոթի հետ է, ինչն առիթ է տալիս ենթադրելու, որ զույգը կրկին միասին է: