Ռոբերտ Քոչարյանի և մյուսների գործով դատական նիստը շարունակվեց միջնորդության քննությունով. Ուղիղ

ՀՀ երկրորդ նախագահ Ռոբերտ Քոչարյանի եւ մյուսների գործով նիստը շարունակվեց ՝նախկին նախագահի փաստաբանների կողմից ներկայացված միջնորդության քննությունով:

Հիշեցնենք, որ նախորդ նիստին փաստաբաններ Հովհաննես Խուդոյանը եւ Արամ Օրբելյանը միջնորդություն էին ներկայացրել քրեական օրենսգրքի 300.1 հոդվածի հատկանիշներով քրեական հետապնդումը դադարեցնելու մասին: Փաստաբանները նշում են, որ Ռոբերտ Քոչարյանին առաջադրված մեղադրանքը հակասում է ինչպես ներքին միջազգային օրենսդրության նորմերին, այնպես էլ նախկինում ընդունված իրավական ակտերին: Խոսքը «յոթի գործի» մասին է. 2008 թվականի մարտի 1-ի իրադարձությունների յոթ մասնակիցների`  300.1 հոդվածով քրեական հետապնդումը դադարեցվել էր այն հիմքով, որ ենթադրյալ արարքից մեկ տարի անց հայտնված հոդվածը հետադարձ ուժ չունի:

Ավելի վաղ նմանատիպ միջնորդություններ էին ներկայացրել նաեւ մյուս ամբաստանյալների փաստաբանները: