Հունվարին աշխատած 17 օրվա համար Երևանի քաղաքապետը 65 մլն 900 դրամի պարգևավճար է տվել
Փետրվարի 1-ին Երևանի քաղաքապետարանում հերթական պարգևավճարներն են տրվել: Քաղաքապետ Հայկ Մարությանի որոշմամբ պարգևատրել են քաղաքապետարանի 22 աշխատակից: Պարգևատրվողների մասին մանրամասներ է հայտնում factor.am-ը:
Ըստ այդմ՝ 480 հազարական դրամներով պարգևատրվել են Երևանի քաղաքապետի առաջին տեղակալ Հրաչյա Սարգսյանը, քաղաքապետի տեղակալներ Հայկ Սարգսյանը, Տիգրան Վիրաբյանը, Սերգեյ Հարությունյանը, Երևանի գլխավոր ճարտարապետ Արթուր Մեսչյանը, աշխատակազմի ղեկավար Վահե Խաչատրյանը:
265 հազարական դրամներով պարգևատրվել են Անշարժ գույքի կառավարման վարչության պետի տեղակալ Վահան Խաչատրյանը, առողջապահության վարչության պետ Կամսար Բաբինյանը, առևտրի և սպասարկումների վարչության պետ Հովիկ Սաֆարյանը, տեղեկատվության և հասարակայնության հետ կապերի վարչության պետ Իոսիֆ Կուբատյանը, հանրակրթության վարչության պետ Աննա Ստեփանյանը, քաղաքաշինության և հողի վերահսկողության վարչության պետ Ռոբերտ Դարբինյանը և այլ վարչությունների պետեր:
Հունվար ամսին 17 աշխատանքային օրվա համար պարգևատրումների ընդհանուր գումարը կազմել է 65 մլն 900 դրամ:
Ամբողջական հոդվածին կարող եք ծանոթանալ սկզբնաղբյուր կայքում:
Հետևեք մեզ Facebook-ում