Արման Բաբաջանյանը բացահատեց Փաշինյանի վախերը. ՍԴ-ի այս գործը հիմնականում կապված է Քոչարյանի խնդրի հետ. Տեսանյութ
Իշխանության գործողությունները այնքան անհեթեթ բնույթ ունեն, որ դրանք հնարավոր չէ բացատրել զուտ քաղաքական դրդապատճառներով: Այստեղ մեծ դեր է խաղում նաև հոգեբանական գործոնը: Սակայն այս հարցում էլ իշխանության քայլերը հասկանալու համար հաճախ արժե ուշադրություն դարձնել նրանց կից գործող «գիքորներին»: Այն, որ այս «ինստիտուտը» դարձել է լուրջ գործոն, անհերքելի է: Բավական է վերհիշել վերջին հայտնի «հեղաշրջման» պատմությունը և ամեն ինչ պարզ կդառնա: Այս հարցում ինչպես հայտնի է «Գիքորի» դերում Փաշինյանի աներձագն էր: Իսկ ահա հանրաքվեի անցկացնելու և ՍԴ-ի խնդիրը լուծելու հարցում, «Գիքորի» դերն իրենց վրա են վերցրել «Քոչարյանի ստվերից վախեցած» Արամ Զավենիչն ու Արման Բաբաջանյանը: Վերջինս իր գրառումով ամբողջությամբ բացահայտեց Փաշինյանի վախերը: Մասնավորապես սույն անձնավորությունը հետևյալ գրառումն է կատարել. «...Բայց մի տարբերակ այնուամենայնիվ կա, որ հանրաքվեն չկայանա՝ վաղաժամ կենսաթոշակի հնարավորությունը մինչև փետրվարի 27-ը։
Մի խանգարող հանգամանք կա միայն՝ եթե վաղաժամ կենսաթոշակը վերցնեն Քոչարյանի վերաբերյալ որոշում չեն կարող կայացնել․․․ Այդ գործով ՄԻԵԴ-ի և Վենետիկի հանձնաժողովի եզրակացությունը կարող է հասնել ամենաշուտը մարտին։
Մի պարզաբանում անեմ միայն՝ Քոչարյանի վերաբերյալ դիմումներով գործի քննությունը ՍԴ-ն բոլոր դեպքերում չի կարող վերսկսել, քանի որ ապացույց ունեմ, որ ՍԴ կայուն մեծամասնությունը Քոչարյանի գործով դիրքորոշում ունի, որի մասին ՍԴ նախագահն ու մի քանի անդամներ արտահայտել են պաշտոնական մի հանդիպման ժամանակ և որի արձանագրությունը ևս արվել է ըստ պատշաճի և պաշտոնապես և որը հուսամ շուտով կհրապարակեմ»։
Բաբաջանյանի այս խոսքերից ակնհայտ զգացվում է, որ Փաշինյանը վախենում է հանրաքվեից: Սակայն նա ստիպված է գնում այդ քայլին, քանզի նա ավելի շատ վախենում է, որ ՄԻԵԴ-ի և Վենետիկի հանձնաժողովի որոշումները կարող են լուրջ «խաղաթուղթ» դառնալ Քոչարյանի կալանքից ազատման համար:
Փաստորեն Բաբաջանյանը ամբողջովին բացահայտեց Փաշինյանի վախերը կապված Քոչարյանի խնդրի հետ: Եվ այսքանից հետո իրենք՝ Բաբաջանյանն ու Փաշինյանը, բնականաբար ամեն ինչ պետք է անեն, որ Քոչարյանը այլևս բանտից դուրս չգա: Փաստորեն ստացվում է, որ այս խնդրի լուծման համար նրանք պատրաստ են գնալ ցանկացած նույնիսկ հակապետական հանցագործության, քանզի նրանց մոտ Քոչարյանի նկատմամբ առաջացել է ուղղակի անասնական վախի զգացողություն:
Սա այն դեպքն է, որ միայն քաղաքագետներն ու քաղաքական գործիչները, որ չպիտի հասկանան, թե ինչ վտանգի տակ է գտնվում Հայաստանը:
Սրանք նույնիսկ չեն հասկանում, որ իրենց վախի պատճառով սեփական քաղաքական գերեզմանն են փորում: Եվ պետք է Աստված կանչենք, որ մինչև իրենց կառավարումը երկիրը լուրջ կորուստ չունենա:
Սա է իրականությունը:
Դավիթ Մկրտչյան
Հետևեք մեզ Facebook-ում