Ինչու՞ չեմ խորշում գործադիրի ղեկավար Նիկոլ Փաշինյանին բառիս ամենաուղիղ իմաստով անվանել ՍՏԱԽՈՍ. Տեսանյութ
Ինչու՞ չեմ խորշում գործադիրի ղեկավար Նիկոլ Փաշինյանին բառիս ամենաուղիղ իմաստով անվանել ՍՏԱԽՈՍ։ Հիմա բացատրեմ։ Փաշինյանը պատգամավոր եղած ժամանակ ուղիղ տեքստով հայտարարել է, որ ԿԸՀ նախագահ Տիգրան Մուկուչյանը կեղծել է ընտրություններ։ Եթե անկեղծ՝ ես հավատացել եմ իրեն։
Իշխանափոխությունից հետո Փաշինյանը շարունակում է նույն պաշտոնին պահել ընտրակեղծարար Տիգրան Մուկուչյանին։ Այսքանից հետո նա հանդգնություն ունի ստելու, թե ժողովրդի կամքը, որը արտահայտվել է ընտրություններով կոտրել է ՍԴ-ն և յուր նախագահ Հրայր Թովմասյանը, այն դեպքում, երբ Հրայր Թովմասյանը, որպես ՍԴ նախագահ որևէ ընտրության վիճարկված արդյունք չի քննարկել։ Եվ հիմա պետք է առնվազն երկարականջ կենդանի լինել՝ հավատալու համար Փաշինյանի պնդումներին, թե հանուն ժողովրդի է Հրայրի դեմ դուրս հանել ամբողջ պետական համակարգը։
Հիմա շատերը ինձ կասեն, թե շատ պետքդ է այս հարցերի մասին խոսում ես։ Սրա պատասխանն էլ կա։ Փաշինյանի այսօրվա կարգավիճակին հասնելու համար մեղավոր եմ նաև ես, երբ 2018-ին հավատացել եմ ստախոսին։ Սա ամենևին չի նշանակում, թե պետք էր թողնել, որպեսզի Սերժ Սարգսյանը դառնար վարչապետ։ Սա նշանակում է, որ մենք որպես հասարակություն չկարողացանք հասուն գտնվել։ Սերժ Սարգսյանը պետք է չդառնար վարչապետ, բայց նաև Նիկոլ Փաշինյանը պետք է վարչապետ չդառնար։
Բորիս Մուրազիի ֆեյսբուքյան էջից
Հետևեք մեզ Facebook-ում