Մեկ ժամ անց տեսանք, որ Քաջ Նազարի կորտեժը կանգնած է մի ուրիշ ռեստորանի մոտ

Տիկնայք և Պարոնայք
Ստորև պատմածս պատմության մեխը այն է, որ ԴԱՍԱԼԻՔ Քաջ Նազարը, Զաքարյան Արշակին անվանել է «ԶԻՆՎՈՐԻ ՀԱՑ ՈւՏՈՂ», հասկանում եք չէ աբսուրդի մակարդակը։

Աննայի ծնունդը կարկանդակով ու մի հատ ժինգյալով հացով (որ Արցախցիներին էլ չնեղացնեն) համացանցային շոուն հաջող կազմակերպած համարելով՝ մեր Քաջ Նազարը այս կիրակի որոշել էր, արդեն ժողովրդի աչքից հեռու, իր Ուստիանի ծնունդը նշել «Արի ռեզորտում»։

Նախապես ասեմ, որ պատահաբար ես Արցախից վերադառնում էի այդ ժամանակ, իսկ մենք ընկերներով սովորություն ունենք և՛ Արցախ գնալուց, և՛ վերադառնալուց կանգ առնել «Արի ռեզորտում», քանի որ բացի այն բանից, որ այնտեղ ուղղակի հաճելի է հանգստանալ՝ մի կես ժամ բուխարիի կողքին թեյ խմելով և շատ համեղ խոհանոց ունեն, գիտենք նաև, որ այն Արշակ Զաքարյանի ստեղծած օազիսն է, և եկամուտի մեծ մասը ծախսվում է մարտական դիրքերի կահավորման վրա։ Կարծում եմ ոչ-ոքի համար նոր բան չեմ ասում։ Հա, չմոռանամ ասել, որ «Արի ռեզորտ»-ում զինվորների և նրանց հետ եկած ընտանիքի անդամների համար գործում է զեղչ, ինչը պահպանվել է այս դեպքում նույնպես։

Մի խոսքով, մինչև «Արի ռեզորտ» հասնելը հանդիպեցինք դեպի Արցախ ուղղությամբ շարժվող Քաջ Նազարի կորտեժին՝ շուրջ 12 ավտոմեքենա։ Դե բյուջեի գումարները մսխելու այս տարբերակը, իհարկե, ավելի անկարևոր է, քան ժողովրդին ցուցադրված «երկու կարկանդակը»։

Հասնելով «Արի ռեզորտ»՝ աշխատակիցներից մեկի հետ զրույցում հասկացանք, որ սեղանը բավականին ճոխ է եղել և մի կուշտ կերել են՝ դե անուշ լինի։ Բայց հետո սկսվել է Քաջ Նազարին բնորոշ շարունակությունը։ Վճարելու ժամանակ ՀԴՄ-ն անսարքություն է առաջացրել, ինչի պատճառով տեխնիկապես հնարավոր չի եղել այս սուբյեկտին ՀԴՄ կտրոն տրամադրել։ Աշխատակիցը պարզաբանել է, որ հենց այս պահին Զաքարյան Արշակն այդ անսարք մասը արդեն գնած, ճանապարհին է և մոտ 30 րոպեից կլինի տեղում, սակայն սա չի կանգնեցրել Քաջ Նազարին և բացի նրանից, որ նա զանգահարել է Արցախի Պետ. նախարարին ու պահանջել օրենքի սահմաններում պատժել «ծանր հանցագործին», այս պոպուլիստը, իր սովորության համաձայն, ամեն բան տարել է անձնային տիրույթ և Արշակին անվանել, ցիտում եմ՝ «ԶԻՆՎՈՐԻ ՀԱՑ ՈւՏՈՂ»։

Հասկանում եք չէ, դասալիքը, զինվորի հաշվին «Արի ռեզորտում» Ուստիանի ծնունդը նշողը, բանակի նվիրյալին, ով տարիներ շարունակ գործով ապացուցել է իր նվիրումը, նման պիտակավորում է տալիս (ես Արշակի փոխարեն՝ դատի կտայի)։

Սրանով պատմությունը չի վերջանում։ Մենք հանգստացանք «Արի ռեզորտում» մոտ կես ժամ և այդ ընթացքում, 12 ավտոմեքենայանոց կորտեժը արդեն մեր կողքով հետ վերադարձավ և ուղևորվեց դեպի Երևան։ Մի փոքր անց շարժվեցինք։ Հաջողությամբ անցնելով Սոթք-Քարավաճառ հատվածը (մոտ 40կմ)՝ հասանք Վարդենիս և տեսանք, որ Քաջ Նազարի կորտեժը կանգնած է մի ուրիշ ռեստորանի մոտ։ Երևի սովածացել էին այդ 1 ժամվա ընթացքում կամ որոշել էին ծնունդը քաղաք առ քաղաք, ճանապարհին եղած ամեն քաղաքում նշել։

Ինչ համեստ ընտանիք են՝ մակարոն ու կարկանդակ են ուտում, հա ու մի հատ էլ ժինգյալով հաց, որ Արցախցիները չնեղանան...

P.S. Ըստ Արցախի օրենքի, «Արի ռեզորտը», որպես հարկ վճարում է հաստատագրված գումար, որի քանակը բոլորովին կապ չունի տպած կամ չտպած ՀԴՄ կտրոնի հետ։

P.P.S. Աշոտին տրված զորամասը լքելու թույլտվությունը չի թույլ տալիս նրան հեռանալ կայազորից մոտ 100 կմ։

P.P.P.S. Վարչապետը ստում է, որ զեղչը տարածվել է միայն զինվորի վրա։ Նրա հեռանալուց հետո 30 րոպե անց, երբ Արշակը հասել է տեղ, անմիջապես տպվել է ՀԴՄ կտրոնը՝ ամբողջ գումարի վրա արված զինվորի զեղչով, ինչը նա ներկայացնում է իր լայվում՝
https://www.facebook.com/watch/?v=2787174361317725

P.P.P.P.S. Վարչապետը, ստորև ներկայացված նյութում ոչինչ չի ասում Զաքարյան Արշակի վիրավորվածության պարագայից և ամեն բան շուռ է տալիս ՀԴՄ կտրոնի վրա։ Խնդրում եմ բոլորին դիտել Զաքարյան Արշակի լայվը, որտեղ ոչինչ չկա ՀԴՄ-ի մասով նեղացածության մասով, սակայն բարոյական պահանջ կա, վարչապետի կողմից "զինվորի հաց ուտող"-ի պիտակավորման մասով։

#դըմփ_դըմփ_հոպպլա