Ռուս-թուրքական լարվածության ֆոնին Էրդողանի ու Պուտինի միջև հեռախոսազրույց է եղել
Դիտել նաև
Ռուսաստանն իրեն իրավունք է վերապահում օգտագործել միջուկային զենք. որոշում
Պատերազմի ավարտից չորս տարի անց Փաշինյանը դեռ իշխանություն է. դա Հայաստանի ամոթն է և խայտառակությունը. Ո՞րն է ելքը
Թրամփն ու Պուտինը հեռախոսազրույց են ունեցել․ ամերիկյան մամուլ
«Հուսով ենք՝ Ադրբեջանը կամրապնդի իր պատմական հաջողությունը՝ խաղաղության պայմանագիր ստորագրելով». Էրդողան
Ցանկանում ենք, որ Ադրբեջանի պատմական նվաճումները ամրապնդվեն խաղաղության պայմանագրով. Էրդողան
Սիրիայի Իդլիբ նահանգում ստեղծված իրավիճակի թեմայով նախօրեին հեռախոսազրույց է եղել Թուրքիայի և Ռուսաստանի նախագահների միջև։ Էրդողանը մտահոգություն է հայտնել Սիրիայի կառավարական ուժերի կողմից թուրք զինվորների դեմ իրականացված հարձակման կապակցությամբ։ Նա նշել է, որ դրանով վնաս է հասցվել Սիրիայում խաղաղություն հաստատելու ն միտված ռուս-թուրքական համատեղ ջանքերին:
Թուրքիայի նախագահը նաև նշել է, որ Անկարան շարունակելու է պատասխանել նմանատիպ հարձակումներին՝ լիարժեքորեն օգտագործելով իր ինքնապաշտպանության իրավունքը։
Հեռախոսազրույցի մասին հայտարարություն է տարածել նաև Կրեմլը։ Ըստ ռուսական կողմի՝ Վլադիմիր Պուտինը մտահոգություն է հայտնել, որ Իդլիբում աճել է ահաբեկիչների ակտիվությունը։ Նա կարևորել է երկու երկրների պաշտպանության նախարարների կողմից անհրաժեշտ միջոցների ձեռնարկումը, որպեսզի բարձրացվի Սիրիայում համատեղ համակարգման աշխատանքների արդյունավետությունը:
Նշվում է, որ երկու երկրների ղեկավարները քննարկել են նաև Լիբիայում տիրող իրավիճակը։
Հիշեցնենք, որ Թուրքիայի պաշտպանության նախարարության փոխանցմամբ` Սիրիայի կառավարական ուժերի կողմից փետրվարի 3-ին Իդլիբում իրականացված ինտենսիվ հրետակոծության հետևանքով սպանվել էր Թուրքիայի բանակի 8 զինծառայող։
Աղբյուրը` Ermenihaber.am
Հետևեք մեզ Facebook-ում