Ստեփանակերտում տեղի է ունեցել բռնցքամարտի բաց առաջնություն (տեսանյութ)

«Արցախպրես»-ի թղթակցի հետ զրույցում Ստեփանակերտի բռնցքամարտի մարզիչ Գևորգ Թորոսյանն ասել է, որ Ճարտարից, Մարտակերտից և Քաշաթաղից առաջնությանը մասնակցել է շուրջ 60 մարզիկ՝ 13-14 և 15-16 տարիքային խմբերով:

 «Բաց առաջնության արդյունքները գոհացուցիչ են:Մրցույթի լավագույն մարզիկները մայիսին մասնակցելու են ՀՀ կրտսեր և ավագ տարիքի պատանիների բռնցքամարտի առաջնությանը: Հուլիսին արցախցի 4 մարզիկ մասնակցելու է ՀՀ երիտասարդների բռնցքամարտի առաջնությանը:

5 մարզիկ էլ նոյեմբերին կմասնակցի ՀՀ մեծահասակների առաջնությանը»,-ասել է Գ. Թորոսյանը՝ նշելով, որ առաջնության հաղթողներն արժանացել են մեդալների և պատվոգրերի:

Գ. Թորոսյանի հավաստմամբ՝ նման առաջնությունները նպատակ են հետապնդում՝ ի հայտ բերելու ուժեղ և ճկուն մարզիկների, ովքեր կկարողանան մասնակցել նաև այլ մրցաշարերի և Արցախ աշխարհին հաղթանակ բերել:

«Լավ կլիներ, եթե դպրոցներում ավել ժամ հատկացնել բռնցքամարտին, քանի որ այդ սպորտաձևով մարզվել ցանկացողների թիվը շատ է»,-ընդգծել է Գ. Թորոսյանը: