Փաշինյանի կողմից ներկայացրած 6 կոնսեսուսների հաստատման գլխավոր խոչընդոտն անձամբ ինքն է

Փաշինյանը ևս մեկ անգամ հիշեցրեց  հանրության,  որ ինքը ինչ վեց համազգային կոնսեսուս է առաջարկում  բոլորին: Հիշեցնենք, որ նա այդ առաջարկով հանդես էր եկել դեռ մի քանի ամիս առաջ: Այսօր արդեն բոլորի համար տեսանելի է, որ այդ համազգային կոնսեսուսի հաստատման գլխավոր խոչընդոտը հենց  ինքն է` Փաշինյանը:

Մեր առաջիկա հոդվածներում մեկ առ մեկ ներկայացնենք այդ կետերը:

Առաջին

Փաշինյանն առաջարկում էր բառացիորեն հետևյալը` «...բռնությունը պետք է բացառվի ներհայկական որևէ հարցի լուծման գործիքակազմից։ Մեր իրականության մեջ մենք իրար մեջ հարցեր լուծելու համար բռնությունը պետք է բացառենք։ Բոլոր այն ուժերը, անհատները, որ բռնությունը դիտարկում են որպես ներհայկական որևէ հարցի լուծման միջոց, պետք է մերժվեն և հայ ժողովրդի պատմության աղբանոցը նետվեն...»:

Որպես գաղափար՝ ճիշտ մոտեցում է: Իսկ հիմա փորձենք ներկայացնել Փաշինյանի իրական քայլերն ու մտքերը:

Փաշինյանի պատկերացումներով Ռոբերտ  Քոչարյանն   ու Սերժ Սարգսյանը ընդդիմություն չեն կարող լինել: Նույնը վերաբերվում է նաև ՀՀԿ-ին: Իր թիմակիցները ԲՀԿ-ին համարում են «...հանրության քրեական աշխարի ներկայացուցիչներ...», իսկ ինքն անձամբ խոսք էր տվել «...կտրել նրանց թաթիկները...»:  Փաշինյանը ՀՅԴ-ին, և նրա թիմակիցներին համարում է « ...ազգային գաղափարը շահագործող   քրեական գործեր կատարողներ...»» Լուսավորներին՝ «... հին ռեժիմի պատկերացումներով գործող քաղաքական ուժ...»: Փաշինյանի կարծիքով բացի իրենից երկրում այլ քաղաքական գործիչներ և ուժեր գոյություն չունեն և չեն էլ կարող լինել: Միգուցե  տեսականորեն այդպիսի ուժեր կարող են լինել, սակայն գործնականում, ըստ նրա, այսօր երկրում այդպիսի ուժեր չկան: Ինքը` Փաշինյանը, իրականում դասական բոլշևիկ է, ով հանգամանքների բերումով հայտնվել է 21 դարում,  Հայաստանում: Ինքը մեղավոր չէ, որ այդպիսին է: Հայաստանյան իրականությունն է  ձևավորել այդպիսի գործչին: Ինքը՝ Փաշինյանը, ձևականորեն համարում է, որ խնդիրները բռնությամբ չպետք է լուծվեն, սակայն իր գործողություններով  Հայաստանը տանում է դեպի իսկական քաղաքացիական պատերազմի: «Ասֆալտին կփռեմ, գետնին կպարկեցնել, վնգստացող դատավորներ» և այլ ձևակերպումները  դրանք հանդուրժող մարդու մտքեր չեն: Դրանք անհավասարակշռված մարդու խոսքեր են, ով կամա թե ակամա երկրին դրդում է բախումների: Բախումները հենց այնպես չեն առաջանում: 2016-ին դատարկ տեղը «Սասնա ծռերը» չգրավեցին ՊՊԾ գունդը: Դրան նախորդել էին այլ մի շարք գործոններ, որի պատճառով այդ մարդիկ համարեցին, որ « իրենց գործողություններին այլընտրանք չկա»: Նրանք ինքնանպատակ չեն գործել: Նրանց գործողությունները հանգամանքներով էին պայմանավորված: Նույնը Բոլշևիկները հենց այնպես 1918-ին «կարմիր տեռոր» չհռչակեցին. հանգամանքները ստիպեցին նրանց գնալու այդ քայլի:

Փաշինյանի այսօրվա գրեթե բոլոր քայլերը ուղղված են երկրում քաղաքացիական բախումների հրահրմանը: Իհարկե, եթե 3 մլն մարդ հնազանդվեր Փաշինյանի կապրիզներին, միգուցե այդպես չլիներ, սակայն բնության մեջ դա հնարավոր չէ: Այդ իսկ պատճառով Փաշինյանն իր գրագիտության պակասի պատճառով չի հասկանում, որ հնարավոր բռնությունների առաջացման գլխավոր մեղավորը հենց ինքն է:

Սա է իրականությունը:

Արտակ Հակոբյան