Բերման երեքշաբթի

Թե՛ Մալյանին-Տեր Նակալյանին-Դանիելյանին-Սամսոնյանին, և թե՛ Հայրապետյանին առերևույթ ապօրինի բերման ենթարկելը կատարվել է երեքշաբթի օրերին՝ հունվար 28 և փետրվար 4:

Ըստ այդմ, ձեր ակնհայտ ապօրինի օրենսդրական փաթեթում առաջարկում եմ մի դրույթ էլ ավելացնել՝ հետևյալ բովանդակությամբ. «ՀՀ ոստիկանությունը պարտավոր է յուրաքանչյուր երեքշաբթի իրականացնել ռեժիմի առնվազն մեկ հակառակորդի ապօրինի բերում՝ զենք, թմրանյութ կամ ռադիոակտիվ նյութեր (սա հուշում է) պահելու պատրվակով։ Ոստիկանապետի ժպ-ն իրավունք չունի այդ ապօրինությունները քննարկել իրավապաշտպանների հետ»։

Մեկ է՝ մի ապօրինի, հանցավոր դրույթ՝ ավել կամ պակաս, ի՞նչ տարբերություն։

***

1) Մեկ օրվա ընթացքում 6 հանրային գործիչ «դիմակներ-ասֆալտ-ձեռնաշղթաներ» ձևաչափով բերման են ենթարկվում ինչ-որ «կասկածներով», բայց դրանք չեն հաստատվում՝ հիմք տալով մտածել, որ «կասկածները» զուտ պատրվակ էին, իսկ պատճառները լրիվ այլ էին (Եվրոպական դատարանի ասած՝ գործ ունենք hidden agenda-ի հետ)

2) Գեներացվում է հանրային պահանջ՝ հանդիպելու ոստիկանապետի ժպ-ին և քննարկելու իրավիճակը։ Պահանջը զուտ իրավապաշտպանական է և ընդգծված քաղաքակիրթ։